Popular Bible Verses from Ñwaè' Ruêm 16

Share

Nfè' bɛti gòr ka', tɛ Nyʉ̀ ce e ke fa bèe cumʉnyaŋ so Satàn, mà' njep wěe tìi tɛ wèe tɛr mkùu mbe yě ndù. M ce loo mɛnɛ tɛ yìsèe Tata Jisos Krǎis tʉr wèe à ntee bòŋboŋ.

Bfʉr wâ, m ce bu' mmbo nè wèe enɛ wèe lor nfè' nè bèe ce a ce vʉ̀ nè ŋgàpni a ker ce dà'si bèe foŋ nà. Wowèe a ce gèe jɛɛ efa yuu ce a yɛ'ni wèe. Sìr nè njì nè wowèe.

Gèe nè wa'a njobè' njɛ̀ɛ bèe ca a ce fà' ba nè Krǎis ce e yu Tata nè sèe ka', wowèe a ce gèe ba yuu ce yi bòŋ wowèe. Wowèe a ce bu' cùu nè blàa ce vi bòŋ a ce foo sê, a ce bo' bèe ce a mɛŋni buu.

Sèe ku'si Nyʉ̀! E tʉr ŋger à rgèe tɛ wèe tɛɛ tatap, àmbò Nsuŋ Mbòŋmboŋ ce làa nà. Nsuŋ ca a nsuŋ ce m ce suŋ àmbò Jisos Krâis, a ba nsuŋ àmbò buu ce vi m ba à bsʉ̀ti kɛ' elǔuŋgòŋ, a yɛɛti àwaŋ sè'ni na. Buu ce ŋgǎa ncep ntuu Nyʉ̀ a m saŋ vi gèe buu ca à yɛɛti àwaŋ nè bèe enje jɛɛ. Nyʉ̀ ce e ce cu nfesè à m làa enɛ buu ca yɛɛti nè bèe enje jɛɛ wa'a, tɛ bto' wɛɛwɛ vi bo byemi, yu'ni nè ye. Ku ba ye Nyʉ̀ ce e tʉr bfee. Sèe ku'si ye à nfè' sìp njo' yuu ce Jisos Krǎis à m gèe! Yi yu wa'a.