Popular Bible Verses from Ñwaè' Matïìyoè 19

Share

Jisòs à fyɛ' wowèe, a laa enɛ̂, “Ca yi yu tatap se nè bèe, à ka' ba yi nè Nyʉ̀, buu wɛɛwɛ yu àtɛ̀r.”

Banɛ wowèe a ker ba a baa ka'. A yu ba ŋwɛ̀ mò'sir. Banɛ yuu ce Nyʉ̀ à tarshi, ŋwɛ̀ mò' fa gàpse ka'.”

E beesì a laa enɛ̂, “Mbò wèe à bè' Ŋwǎ' Nyʉ̀ a yɛ weenɛ ŋwɛ̀ ce e m boo bèe efa rkɛ̀', e m boo mbaŋrùŋwɛ̀ ba njeŋwɛ̀ a? E m làa enɛ̂, ‘À ka' ba njobè' mɛ̀ m boo mbaŋrùŋwɛ̀ ba njeŋwɛ̀, mbaŋrùŋwɛ̀ be mà'shi yì ta ba yì mâ, cu a ŋgwa yì, tɛ a ye a ba ŋwɛ̀ mò'sir.’

Jisòs à ka' yɛ wa'a, a laa enɛ̂, “Mà'shi nè tɛ bghàrbèe anà a vʉ yɛ mɛ̀. Wèe fa jepsi wowèe ka', njobè' kʉʉ Nyʉ̀ yi yu nè bèe ce a yu àmbò bghàrbèe ca.”

Bèe magòr ce a yu entombì sè'ni na, a be kèe ba elʉ̀simbùu, tɛ bèe magòr ce a yu elʉ̀simbùu sè'ni na, a ba entombì.

Ŋwɛ̀ wɛɛwɛ ce e ka' ma'shi vi mndap, kɛ̀ bfʉr vi, kɛ̀ bjar vi, kɛ̀ yì tâ, kɛ̀ yì mâ, kɛ̀ boo vi, kɛ̀ yi ŋgòŋ ce e tʉr ɛ̀, njo' mɛ̀, e be koni ku' buu sê, càa àmbò e m tʉr nà kàŋ rjèe, kèr koni ryòŋ ce nfesè foŋ.

Jisòs à beesì enɛ̂, “Wɛ̀ ka' ce kòŋ à rba yɛɛnì se à bsii Nyʉ̀, à du fyeni yò buu wɛɛwɛ, lor mbàa efa gho, gapshi nè ŋgǎa fùp, tɛ à bo tʉr bkù' mbe bùu. Wɛ̌ gèe wa' wɛɛ, vʉ a mɛ̌ mbùu.”

E laa nè ye enɛ̂, “Wɛ̀ bipshi nè mɛ̀ àmbò yuu bòŋboŋ njokɛ? Ku ba ŋwɛ̀ mò'sir ce e yu ŋwɛ̌ mbòŋmboŋ. Wɛ̀ ka' ce kòŋ à rkoni ryòŋ ce nfesè, à lɛ mncir.”

M ker ce suŋ wèe mɛnɛ yi yu àtɛ̀r nè kàmɛl à rtose njep rlir nsàrà' nè ŋwɛ̀ mbàa à rniŋ mbe dǐ' kʉʉ Nyʉ̀.”

M ce suŋ wèe mɛnɛ ŋwɛ̀ ka' juu ŋgwa yì, ke' ba njobè' enɛ ŋgwa yì à nòŋ a mbaŋrùŋwɛ̀ mò' ka', ker lor ŋgwa mò', banɛ ŋgàŋ à koo njeŋwɛ̀ ce yu ŋgwa yì ka'.”

Jisòs à laa nè ŋgǎa yɛ'ni yì buu enɛ̂, “M ce suŋ wèe nè mini-ŋwɛ̀ enɛ yi yu tatap nè ŋwɛ̀ mbàa à rniŋ mbe dǐ' kʉʉ Nyʉ̀.