Popular Bible Verses from Ñwaè' Mfaè' Ñgaâa Ntuu Jisoès 5

Share

Pità ba ŋgǎa ntuu Jisòs a beesì enɛ̂, “Wèr be kù yu'ni ba nè Nyʉ̀ càa ce enɛ wèr yu'ni ba nè ŋwɛ̀.

Wowèe a m ce yɛ'ni a ce fè'shi mbe Ndàp Nyʉ̀ ba à mla' à mnòŋ wɛɛwɛ enɛ Jisòs yu Krǎis anà.

Yi ka' ba wa'a, Pità à laa enɛ̂, “Ànàniyàs, Satàn à ruusi yo ntee, a gee wɛ̀ nya' mnde' nè Yʉ' Nyʉ̀, a gapni mbàa nsuu ce wɛ̀ mʉ fyeni njokɛ? Nsuu ca à m ku ba yo nsuu tɛ à ka' kè fyèni, wɛ̀ ka' fyèni mbàa efa gho à ba yo mbàa. Wɛ̀ kwà'shi à rgèe njɛ̀ɛ yuu ca njokɛ? Wɛ̀ nya' mnde' ba nè bèe ka', wɛ̀ nya' mnde' ba nè Nyʉ̀” Ànàniyàs à ka' yu', a gwe à nshè a kwe. Bèe ce a m yu' yuu ce yi m koni anà, a m wɛp sê.

À ka' ba àmbò yi yu sè'ni na, m ce làa nè wèe enɛ wèe fa gèe yuu mo' nè bèe ca ka'. Lɛ̀ nè wowèe nyaŋ njobè' yuu ce wowèe a ce kwà'shi à rgèe na, yi ka' lo ba ese ŋwɛ̀ banɛ yi be gèeti ka'. Yi ka' lo ba ese Nyʉ̀, àde' wèe jepsì wowèe ka'. Wèe ka' jepsi wowèe, seemò' yi lo ba enɛ wèe ce mà' bìr wèe Nyʉ̀ wèe.”