Popular Bible Verses from MATEO 2

Share

Ba tsena ngwakong, ba hwetša ngwana le Maria mmagwe, ba khunama ba mo lotšha. Ba phutholla mahumo a bona, ba mo ntšhetša dineo tša gauta le diorelo le ditlolo.

Eitše ge Jesu a belegwe motseng wa Betlehema nageng ya Juda mehleng ya kgoši Herode, gwa tšwelela ba bohlale ba Bohlabela, ba fihla Jerusalema. Ba re: E kae Kgoši ya Bajuda e sa tšo go belegwa? Gobane re bone naledi ya gagwe kua Bohlabela, mme re tlile go mo lotšha.

Ya re ge ba bona naledi yeo, ba thaba gagologolo.

Gomme ge ba laetšwe ke Modimo dilorong gore ba se ke ba feta ka ga Herode, ba boela nageng ya gabo ka tsela e šele. Eitše ge ba tlogile, Morongwa wa Morena a tšwelela go Josefa dilorong, a re: Tsoga, o tšee ngwana le mmagwe o tšhabele Egipita, o yo dula gona, ke be ke tle ke go botše; gobane Herode o rata go tsoma ngwana e gore a mmolaye.