Popular Bible Verses from EKISODO 9

Share

Fela ke sa na le se ke sa go lesitšego ka baka la sona. Ke sa go lesitše gore ke go bontšhe maatla a ka, gore leina la ka le bolelwe lefaseng ka moka.

Ke mo Morena a boletšego le Moshe a re: Yaa go Farao o mmotše o re: Morena Modimo wa Bahebere o re: Lesa setšhaba sa ka se sepele, se ye se ntirele.

Ka gobane ge nka be ke emišitše letsogo ka go otla ka dinkhu, wena le setšhaba sa gago, le ka be le fedišitšwe mo lefaseng.

gona seatla sa Modimo se tlo swara diruiwa tša gago tše di lego nageng, le dipitsi, le dipokolo, le dikamela, le dihuswane, ka dinkhu tše šorošoro. Gomme Morena o tlo hlaola diruiwa tša Baisiraele go diruiwa tša Baegipita; mme mehlapeng ya Baisiraele go ka se ke gwa hwa le e tee.

Bjale o tsebe gore bosasa pakeno ke tlo neša sefako se segolo ka kudu; e sa le mola go thewa lefase la Egipita, ga go ešo gwa ba le sefako se sekao. Bjale roma bahlanka o tšhabiše diruiwa tša gago le dilo tšohle tša gago tše di lego nageng; ka gobane ge go ka hwetšwa motho a se ngwakong, le ge e le kgomo, ge sefako seo se itia, se tlo bolaya tšohle.

Dipilo tšeo di tlo tloga e le lerole, tša hlakanya naga ka moka ya Egipita, ya ba dikutu tše di tlogo phulega ya ba dintho mo go batho le go diruiwa nageng ka moka ya Egipita. Gomme ba swara dipilo, ba ema ba lebane le Farao; Moshe a di gašetša godimo, mme tša tšweletša dikutu, tša phulega ya ba dintho bathong le diruiweng.