Popular Bible Verses from EKISODO 8

Share

Fela bjalo ke tlo hlaola naga ya Gosene mo go agilego setšhaba sa ka; gona kua go ka se ke gwa ba le diboba, gore o tsebe gore nna Morena Modimo ke gona mo lefaseng. Ke tlo aroganya batho ba gago le batho ba ka; mohlolo wo o tlo ba gona ka moswana.

Gomme Morena a laela Moshe a re: Botša Arone o re: Swara lepara la gago o emišetše letsogo la gago godimo ga dinoka, le godimo ga meela le megobe, o tšweleletše naga ya Egipita digwegwe.

Ke mo dingaka di boditšego Farao tša re: Se ke monwana wa Modimo. Fela, pelo ya Farao ya fela e thatafetše, a se ke a kwa se ba se bolelago. Ya ba tšona tšeo tše Morena a di boletšego.

Arone a emišetša letsogo la gagwe godimo ga meetse ka moka a Egipita, digwegwe tša tšwelela tša tlala naga ya Egipita.

Bjale Morena a bolela le Moshe a re: Tsoga e sa le bosasa, o eme pele ga Farao. O tlo mo hwetša a theogela nokeng; mme o mmotše o re: Lesa setšhaba sa ka se yo ntirela!

Farao a re: Ke tlo le lesa la sepela la hlabela Morena Modimo wa lena dihlabelo kua lešokeng; fela, le se ke la ya kgolekgole; le gona le nthapeleleng.