Popular Bible Verses from Lukaz 5

Share

P’en doe paouezet da gomz, e lavaras da Simon: Kae a-raokoc’h en dour don, ha taolit ho rouedoù evit pesketa.

Simon a respontas dezhañ: Mestr, labouret hon eus hed an noz hep tapout netra, hogen war da c’her e taolin ar roued. O vezañ henn graet, e tapjont un niver ken bras a besked ma torre o roued.

Met eñ en em zalc’he a-du el lec’h distro evit pediñ.

N’on ket deuet evit gerervel ar re reizh d’ar geuzidigezh, met ar bec’herien.

Simon-Pêr, o vezañ gwelet kement-se, en em strinkas d’an daoulin ouzh treid Jezuz hag a lavaras: Aotrou, pella diouzhin, rak ur pec’her on.

Jezuz, o kemer ar gomz, a lavaras dezho: N’eo ket ar re a zo yac’h eo ar re o deus ezhomm a vedisin, met ar re a zo klañv.

O vezañ degaset ar bagoù d’an douar, e kuitajont holl hag e heuilhjont anezhañ.

Evel ma oa en ur gêr, setu, e oa un den goloet a lovrentez. O vezañ gwelet Jezuz, en em strinkas war e c’henoù d’an douar hag en pedas o lavarout: Aotrou, mar fell dit, e c’hellez va glanaat. Jezuz, oc’h astenn e zorn, en stokas hag a lavaras: Fellout a ra din, bez glanaet. Kerkent al lovrentez a guitaas anezhañ.

Ar vrud anezhañ en em skuilhe muioc’h-muiañ ha kalz a dud en em zastume evit e glevout hag evit bezañ yac’haet gantañ eus o c’hleñvedoù.