Popular Bible Verses from Oberoù an Ebestel 1

Share

Met resev a reot un nerzh pa zeuio ar Spered-Santel warnoc’h, hag e viot va zestoù e Jeruzalem, en holl Judea, e Samaria ha betek pennoù pellañ an douar.

Eñ a lavaras dezho: N’eo ket roet deoc’h anavezout an amzerioù pe ar c’houlzioù en deus merket an Tad en e c’halloud e-unan.

O vezañ o dastumet, e c’hourc’hemennas dezho na bellajent ket diouzh Jeruzalem, met ma c’hortozjent promesa an Tad, an hini hoc’h eus klevet diganin, emezañ, rak Yann en deus badezet en dour, met c’hwi a vo badezet er Spered-Santel a-benn nebeut a zevezhioù.

Goude bezañ gouzañvet, e teuas war wel bev dirazo hag e roas dezho kalz a brouennoù peursur, oc’h en em ziskouez dezho e-pad daou-ugent devezh hag o komz diwar-benn ar pezh a sell ouzh rouantelezh Doue.

Goude m’en doe lavaret an traoù-se, e voe savet e-pad ma sellent outañ, hag ur goabrenn a guzhas anezhañ eus o daoulagad.

Evel ma sellent gant evezh war-zu an neñv e-pad ma’z ae kuit, setu, daou zen gwisket e gwenn en em gavas en o c’hichen hag a lavaras: Tud a C’halilea, perak en em zalc’hit aze da sellout ouzh an neñv? Ar Jezuz-mañ, savet diganeoc’h en neñv, a zeuio en-dro en hevelep doare evel ma hoc’h eus e welet o pignat en neñv.