Popular Bible Verses from Luke 3

Share

Pani hin pongi atu John mo sopo lo toho na ima r̃ilangi, tamlohi tari la lavi na paptijo, ale John mo paptijo hin Iesu. Ale Iesu mo pa lo usiusi, tuka mo maroi, ale Tanume Tapu mo sinai atano sohena vomahe matea, ale mo tau hinia; ale leon matea mo tai na tuka mara, “Engko Natuku r̃uhur̃uhu jea, enau na avulahi tavera jea hiniho.”

Pani John mo r̃aramira mara, “Enau na lo paptijo hin kamim na wai purongo, pani tamlohi matea mo aulu jea hiniau mo lo mai, enau na sopo tataholo vara a uli nar̃ihi na asi eve palona. Enia i pa paptijo hin kamim na Tanume Tapu peresi na hapu.

Ha namaha usuri na nomim posi na hehe. Ha sopo r̃omaulu vara, ‘Kamam kama juri matan tamamam Abraham!’, matan na verea tataholoi kamim hinia vara, God i er̃i vai la vatu nike la mai natun Abraham!

Matan nakerihi, God mo lo ava na nona rita moiso mata wari. Matan, vipahai tari sei la sopo lavi na vuara r̃uhu, i pa tai jovjovira, ale i pa pulahira la vano na hapu.”

Sohen pr̃ovet Isaiah mo ulia mara, ‘Na jara hasetoho leon matea mo lo ulo mara: Ha vasahi na malelen Moli God! Ha tano na malelena i tataholo. God i pa tavuni na vakoa tari, ale i pa mavalolohi na vutivuti tari la mai la tataholo i r̃uhu, ale kolekole la pa tataholo, ale malele morumoruha la pa tataholo, ale tamlohi tari la pa hite malele sei God i pa juri na tamlohi hinia.’