Popular Bible Verses from A Mark Sõng 10

Share

Ned Biiga meng ka wa tẽng zugu n dat tɩ neb maana a yam ye; a waame n na n maan neb a taab yam, la a kõ a meng vɩɩm neb wʋsg fãagr yĩnga.»

A Zezi ges-b-la pem, n yeel-ba: «Yaa toog ne ninsaalba, la ka toog ne Wẽnd ye tɩ bãmb tõee fãa.»

La a Zezi yeel-a lame: «Bɩ f kẽng tɩ f tẽeb fãag-f lame.» La tao-tao bala, a nina pukame, t'a ra tũud a Zezi.

Woto yĩnga, Wẽnnaam sẽn lagem bũmb ninga, pa tog tɩ ninsaal welg-a ye.»

A Zezi ges-a-la ne nonglem, n yeel-a: «Bũmb a ye bala n paoog foo marsã: fo sẽn tar bũmb ning fãa, bɩ f rɩk n koos n kõ naong rãmba tɩ f na paam arzɛk arzãnẽ. Dẽ poore, bɩ f wa tũ maam.»

A Zezi sok-a lame: «Fo ratame tɩ m maan-f bõe?» Tɩ zoanga yeele: «Karen-saamba, sõng-y tɩ m nina puki!»

Pa na n yɩ boto ne yãmb ye, ayoo! Yãmb sʋka, ned sã n dat n lebg nin-kãsenga, bɩ a reng n yɩ yãmb sõgne.

Sɩd-sɩda, mam yeta yãmba tɩ ned ninga fãa sẽn ka reegd-a Wẽnd Rĩunga wala bi-bilfu, a soab kõn kẽ a pʋgẽ ye.»

Wʋsgo sẽn da ya pipi rãmba na n lebga poorẽ dãmba tɩ poorẽ dãmb na n lebg pipi rãmba.»

Dũni sɩngrẽ, Wẽnd n zĩndig rao la paga. Yaa rẽ yĩng la rao na n bas a ba la a ma n zĩnd ne a paga, la raoã ne pagã na n lebga yĩng a ye.