Popular Bible Verses from Sɩngrẽ 49

Share

Naam dasaar kõn serg a Zɩɩda sɛɛgẽ ye. Naam dasaar kõn yi a toaagẽ ye, al n tol n ta a zu-soaba waoongo; n ta tẽnsa sẽn tog n deeg a soab noora waoongo.

A Zozɛf yaa lʋlle, Lʋll sẽn be koom noore; b sã n kẽesa yãgrẽ la a sẽn gãndgde n yi. B bao-la a noore, n maan zabr ne-a. Tãb-biis n yik n tak zabr ne-a

la a tãpa pa fãag a nugẽ a sẽn waa n ligind a bɛɛba ye, A Zakoob Wẽnnaam nug n tʋm dẽnna, a Israyɛl Gũuda, a Pĩiga, a Israyɛl Lillã n tõog rẽnna. Bɩ f saam-dãmba Wẽnnaam, bɩ f Soaala, wa sõng fo! Bɩ bark tũ Wẽnnaam-Pãng-Soaba nug n sigi! B ning yĩngr saaga barka, n ning vɩʋʋga sẽn yɛdg tẽnga barka, n ning roagseng barka, n ning bĩisr barka.

Zɩɩda, foo la f ba-biis na n pẽge f nug na wẽoog f bɛɛba yubla, f ba-biis na wõgemd f taoore. Zɩɩda fo yaa Gɩgemd bila. M biiga kẽnga zabre n lɛɛg n watẽ, A põda a rũmdi, n gãand wa bõnyẽega, wala bõnyẽ-yãanga, ãnda n na n pĩng-a t'a yiki?

Rubẽ, foom la m bi-kẽenga, m doga foom m sẽn waa n ya bi-bɩɩga, n wɩɩd ne pãnga. Foom n pid ne gãndalsem, foo n pid ne gãbe. F zoeta ne pãnga wa kʋɩl-kẽeng koom, la fo kõn soog kãseng ye, tɩ fo beega f ba n dʋʋ a gãaga n dẽgem-a.