Popular Bible Verses from Thimo 22

Share

Onia mwana mũtũũrĩre ũrĩa mwega, na ndarĩ hingo akaariganĩrwo nĩguo matukũinĩ maake moothe.

Gwathĩkĩra MWATHANI na kwĩnyiihia, gũtũmaga mũndũ atonge, atĩĩo na atũũre matukũ maingĩ.

Kaba kũgĩa rĩĩtwa rĩega gũkĩra gũtonga, nakĩo gĩtĩĩo nĩ kĩega gũkĩra betha na thahabu.

Ndũkaanatume ndũgũ na mũndũ ũhiũhaga kũraakara, kana ũthiĩ rũgendo na mũndũ wa mang'ũrĩ

Mũndũ ũheaga athĩĩni gĩa kũrĩa nĩaraathimagwo.

Mũndũ mũũgĩ oonaga ũgwati akaweherera, ĩndĩ kĩrimũ nĩgũtũnga kĩũtũngaga gĩkaniinwo.

Athĩĩni matũũraga me ngombo cia itonga, na ũrĩa ũkombaga atũũraga e ngombo ya mũmũkomberi.

Andũ arĩa itonga na athĩĩni maigananĩĩtio ũndũ ũmwe; MWATHANI nĩ we wamoombire oothe.

Menya ũkaahinyĩrĩria mũthĩĩni tondũ wĩ na ũhoti wa gwĩka ũguo, kana ũhinyĩrĩrie mũndũ ũtarĩ na hinya mwĩ ciirainĩ naake. Nĩ amu MWATHANI nĩ we ũgatuĩka wa kũmaarĩrĩria, na amarĩhĩrie harĩ arĩa maramahinyĩrĩria.