Popular Bible Verses from Thimo 21

Share

Rũmia ũtugi na ũthingu na nĩũgũtũũra muoyo matukũ maingĩ; na ndũkaaga kũheeo gĩtĩĩo na gwĩkwo wega.

Mĩbango ya mũndũ wĩ kĩyo ĩtũmaga mũndũ agĩe indo; ĩndĩ mĩbango ĩtarĩ mĩbaarĩrĩre ĩreehagĩre mũndũ ũthĩĩni.

Mũndũ ũrĩa ũmenyagĩrĩra mĩario yake, nĩ haaro egiragĩrĩria.

Mũndũ oonaga maũndũ moothe marĩa eekaga me meega, ĩndĩ MWATHANI nĩ we ũtuĩragia ngoro yake.

Mbarathi nĩciikaraga ciĩhaarĩirie kũrũa, ĩndĩ ũhootani uumaga kwĩ MWATHANI.

Gwĩka maũndũ ma ũgima na ma kĩhooto nĩgũkenagia MWATHANI, gũkĩra kũmũrutĩra magongoona.

Ũũgĩ wa mũndũ, ũmenyo, kana kĩrĩra o na kĩrĩkũ itingĩmũteithia angĩkorwo MWATHANI ndakeneetio nĩ we.

Ũngĩrega gũthikĩrĩria mũthĩĩni agĩkaya, o nawe rĩrĩa ũrĩkaya ndũrĩthikĩrĩrio.