Popular Bible Verses from Thimo 11

Share

Mũndũ mũtugi nĩaraathimagwo, na ũrĩa ũkundanagia maaĩ naake nĩakundagio.

Mũndũ mũtugi athiaga na mbere na gũtonga, no mũndũ mũkarĩ no gũthiĩ athiaga na mbere gũthĩĩna.

Mwĩtĩĩo-rĩ, ũreehage gĩconoko; ĩndĩ ũũgĩ nĩ wa arĩa menyiihagia.

Bũrũri ũngĩaga ũtaaro mwega nĩkũgũa ũgũaga, no ũrĩa wĩ na ataarani aingĩ nĩkwĩhanda wĩhandaga.

Maciaro ma mũndũ ũrĩa mũthingu nĩ mũtĩ wa muoyo, na mũndũ mũũgĩ nĩaguucagĩrĩria mĩoyo ya andũ aingĩ.

Mũndũ ũrĩa ũthiaga akĩaragia ndeto cia mũhuuhu ndarĩ hitho, ĩndĩ mũndũ mwĩhokeku, ũcio nĩ wa kwĩhokerwo maũndũ.

Mũndũ ũrĩa wĩkaga wega, nĩ we wĩgunaga, ĩndĩ mũndũ ũtarĩ tha, nĩ we mwene wĩthũũkagia.

Ũrĩa wĩhokaga ũtonga wake aitĩkaga ta mahuti hĩndĩ ya mbura ĩrĩa nene, no ũrĩa mũthingu arĩruraga o ta mathangũ.

Ũtonga ndũrĩ ũteithio mũthenya wa maraakara ma Ngai, no ũthingu nĩũhonokagia mũndũ kuuma gwĩ gĩkuũ.

Andũ arĩa eega, wega wao nĩguo ũmatũũragia, no arĩa a ungumania nĩmaniinagwo nĩ ungumania wao.

Mũtumia mũthaka ũtarĩ kĩhaarĩro, no ta gĩcũhĩ gĩa thahabu kĩ iniũrũ rĩa ngũrũe.

MWATHANI nĩathũire andũ arĩa mahũthagĩra ithimi cia maheeni, ĩndĩ nĩakenagĩra ithimi cia ma.