Popular Bible Verses from Thimo 10

Share

Kĩraathimo kĩa MWATHANI kĩreehage ũtonga, na ndarĩ kĩeha areehanagĩria na ũtonga ũcio.

Kwaria ciugo nyingĩ gũtũmaga mũndũ ahĩtie, ĩndĩ mũndũ mũũgĩ nĩkũmenyerera amenyagĩrĩra mĩario yake.

Rũthũro rũreehage ngũĩ, ĩndĩ wendo wohanagĩra meehia moothe.

Ũgũũta ũreehagĩra mũndũ ũthĩĩni, no kĩyo gĩtũmaga mũndũ atonge.

Ũrĩa ũiguaga agĩtaarwo nĩagĩaga na mũtũũrĩre mwega, ĩndĩ ũrĩa ũtaiguaga agĩkaanio nĩkũũra ooraga.

Mũndũ wa mĩikarĩre ya ũthingu nĩmũgitĩre, no mũndũ ũhotomagia mĩthiĩre yake ũcio nĩoimbũragwo.

Gũtĩĩa MWATHANI gũtũmaga mũndũ oongongererwo matukũ, ĩndĩ matukũ ma ũrĩa mwaganu nĩkũnyiihio manyiihagio.

MWATHANI ndangĩreka mũndũ mũthingu ahũũte, ĩndĩ ũrĩa mwaganu ndarĩ kĩndũ angĩona.

Kĩhuuhũkanio gĩoka, arĩa aaganu matwaragĩrĩrio magatoma, ĩndĩ arĩa athingu hĩndĩ ciothe nĩkũmenyererwo mamenyagĩrĩrwo.