Popular Bible Verses from Jakubu 3

Share

No ũũgĩ wa kuuma igũrũ o mbere ũkoragwo wĩ mũtheru; ningĩ nĩ wa thaayũ, gũkiranĩrĩria, na kwendana; ũkoragwo ũiyũirwo nĩ tha na ciĩko njega, na ndũrĩ mũthuutũkanio o na kana ũhinga.

Rĩu-rĩ, nĩharĩ mũndũ mũũgĩ ũtaũkagĩrwo nĩ maũndũ gatagatĩinĩ kaanyu? Mũndũ ũcio nĩakĩonanie ũndũ ũcio na mĩikarĩre yake mĩega, na ciĩko njega ciĩkĩĩtwo na ũhooreri na ũũgĩ.

Maciaro ma ũthingu nĩmo magethagwo kuuma harĩ thaayũ ũrĩa ũhandagwo nĩ arĩa eendi thaayũ.

Handũ hoothe harĩa hakoragwo na ũiru, na kwĩyenda, no ho hakoragwo na ngũĩ na mawaganu moothe.

Nĩruo tũcookagĩria Mwathani na Ithe witũ ngaatho naruo, na noruo tũrumaga mũndũ ũrĩa ũngĩ naruo, o na oombĩĩtwo na mũhianĩre wa Ngai. Ciugo cia gũcookia ngaatho na cia kũrumana ciumaga kanua o ro kamwe. Aariũ na aarĩ a Ithe witũ, ũguo tiguo kwagĩrĩire kũhaana!

O naruo rũrĩmĩ nĩ ta mwaki. Rũrĩmĩ nĩ bũrũri wa ũũru ũkoragwo wĩ mĩĩrĩinĩ iitũ. Rũrĩmĩ rũthĩĩnagia mwĩrĩ wothe, rũgacina mĩikarĩre iitũ yothe na mwaki ũrĩa rũheagwo kuuma icuainĩ.

no gũtirĩ mũndũ ũrĩ wahota kũhooreria rũrĩmĩ. Rũrĩmĩ nĩ kĩndũ kĩũru mũno na rũkoragwo rũiyũirwo nĩ ũrogi.

Atĩrĩĩrĩ, aariũ na aarĩ a Ithe witũ, tigaai kwenda gũtuĩka arutani mũno nĩ tondũ nĩmũũĩ atĩ ithuĩ arutani tũgaatuĩrwo ituĩro rĩa hinya makĩria ma andũ arĩa angĩ.