Popular Bible Verses from Jakubu 2

Share

Nĩ ũndũ ũcio wĩtĩkio wiki ũtarĩ na ciĩko, nĩ mũkuũ.

Nĩ ũndũ ũcio, o ta ũrĩa mwĩrĩ ũtarĩ na muoyo ũkoragwo wĩ mũkuũ, noguo o naguo wĩtĩkio ũtarĩ na ciĩko wĩ mũkuũ.

Aariũ na aarĩ a Ithe witũ, bata wa mũndũ kuuga atĩ e na wĩtĩkio na ciĩko ciake itirawonania-rĩ, nĩ ũrĩkũ? Wĩtĩkio ta ũcio no ũmũhonokie?

Wee nĩwĩtĩkĩĩtie atĩ Ngai nĩ ũmwe? Hau nĩwĩkaga wega! No o na ngoma nĩciĩtĩkĩĩtie o ro ũguo na nĩciinainaga nĩkũmwĩtigĩra.

Ĩndĩ hiihi mũndũ ahota kuuga atĩrĩ, “Wee-rĩ, wĩ na wĩtĩkio, na niĩ ndĩ na ciĩko.” Rĩu-rĩ, “Ta kĩnyonie ũrĩa mũndũ angĩkorwo na wĩtĩkio hatarĩ ciĩko, na niĩ nĩngũkuonia wĩtĩkio wakwa na ũndũ wa ciĩko iria njĩkaga!”

Tondũ Ngai ndakaigua tha agĩciirithia mũndũ ũrĩa ũtaiguagĩra andũ arĩa angĩ tha, no tha nĩcihootaga ituĩro.

Nĩmũgũkĩona atĩ mũndũ aiguithanagio na Ngai nĩ ciĩko ciake, no ti tondũ wa wĩtĩkio guo wiki.

Nĩwakĩona atĩ wĩtĩkio wake nĩwarutithanirie wĩra na ciĩko ciake, naguo wĩtĩkio wake ũgĩtuuo mũiganĩru kũna nĩ ũndũ wa ciĩko icio ciake.