Popular Bible Verses from Isaia 1

Share

MWATHANI aroiga atĩrĩ, “Ũkaai rĩu twaranĩrie maũndũ macio. O na angĩkorwo meehia maanyu matuunĩhĩĩte o ta thakame, ngaamathambia mathere o ta ira. O na angĩkorwo meehia maanyu matuunĩhĩĩte o ta gakarakũ, ngaameerũhia o ta guoya wa ng'ondu.

Mũngĩnjĩtĩkia na mũnjathĩkĩre, nĩmũkaarĩa indo iria njega cia mĩgũnda yanyu.

Mwĩruteei gwĩkaga wega. Rũmagĩrĩraai kĩhooto, na mũteithagie arĩa mahinyĩrĩirio. Heagaai ciana cia ngoriai ihooto ciacio na mũteithagie atumia a ndigwa.”

Mũngĩndega na mũũnemere-rĩ, rũhiũ rwa njora nĩruo rũkaamũrĩa. Nĩ niĩ MWATHANI, njarĩĩtie ũguo na kanua gaakwa.”

Wĩthambei mũthere; thengiai ũũru wanyu mbere yakwa na mũtige gwĩka ũũru.

“Rĩrĩa mwatambũrũkia mooko maanyu mũkĩĩhooya ndĩrĩĩhũgũraga na kũngĩ. O na mũngiuga mahooya maingĩ atĩa, ndikaamũthikĩrĩria, nĩ gũkorwo mooko maanyu maiyũirwo nĩ thakame.

Tigaai kũndutĩra magongoona matarĩ kĩene. Mũnungo wa ũbaani ũrĩa mũcinaga ndũngenagia o na haniini. Ndingĩhota kũũmĩrĩria maruga maanyu ma karũũgamo ka mweri, ma thabatũ cianyu o na marĩa mangĩ maathane. Igomano cianyu ciothe nĩithaahagio nĩ meehia maanyu.

Ndeegwa nĩyũĩ mwene yo, ndigiri nĩyũĩ harĩa mũmĩathi amĩheagĩra irio, no Isiraeli ndooĩ, andũ aakwa matirĩ ũmenyo.”

Nĩthũire na ngoro yakwa yothe maruga maanyu ma karũũgamo ka mweri na maruga marĩa mangĩ maathane. Nĩmatuĩkĩĩte mũrigo harĩ niĩ, na nĩnogeetio nĩkũmakirĩrĩria.