Popular Bible Verses from Kohelethu 9

Share

Ũndũ o wothe ũrĩa ũrĩĩkaga-rĩ, wĩkage na hinya waku wothe, amu kũrĩa akuũ mathiaga gũtirĩ wĩra, gwĩciiria, ũmenyi, o kana ũũgĩ.

O na nĩndamenyire atĩ gũũkũ thĩ mũndũ ũrĩa wĩ ihenya ti we ũhootanaga, na mbaara ndĩhootanagwo nĩ ũrĩa wĩ na hinya, na indo itionagwo nĩ andũ arĩa me na ũũgĩ, na ũtonga ndũgĩagwo nĩ arĩa marĩ na ũmenyi, na andũ arĩa marĩ na ũhoti matigĩaga na mũnyaka. No gĩkuũ na mũtino ikoraga andũ oothe.

Wĩkenagie na mũtumia ũrĩa wee wendeete matukũinĩ maaku ma ũtũũro wa tũhũ marĩa Ngai akũheete gũũkũ thĩ, amu rĩu nĩrĩo igai rĩaku ũtũũroinĩ o na wĩrainĩ ũrĩa ũrutaga gũũkũ thĩ.

Gĩthiĩ ũrĩe irio ciaku na gĩkeno, na ũnyue ndibei yaku ngoro ĩcanjamũkĩĩte, tondũ Ngai nĩetĩkĩrĩĩte ciĩko ciaku.

Ũũgĩ nĩ mwega gũkĩra indo cia mbaara, no mũndũ ũmwe mwĩhia nĩathũũkangagia maũndũ maingĩ meega.

Ciugo cia mũndũ mũũgĩ ithikĩrĩirio hatarĩ inegene nĩ njega gũkĩra kũgũũthũka kwa mũthamaki arĩ gatagatĩinĩ ka irimũ.

Tondũ arĩa me muoyo nĩmooĩ atĩ nĩmagaakua, no arĩa akuũ matirĩ ũndũ mooĩ, na matirĩ na mũcaara ũngĩ nĩmaariganĩire.