Popular Bible Verses from Kohelethu 8

Share

Kwa ũguo nĩnjũũĩ wega atĩ mũndũ aagĩrĩirwo nĩgwĩkenia, amu gũtirĩ ũndũ ũngĩ mwega wa mũndũ gũũkũ thĩ tiga arĩe, anyue na ekenie. Maũndũ macio no ameeke ihindainĩ rĩa kwĩnogia matukũinĩ ma ũtũũro wake ũrĩa Ngai amũheete gũũkũ thĩ.

Mũndũ mwĩhia o na angĩĩka ũndũ mũũru maita igana, no athiaga na mbere gũtũũra muoyo. Niĩ nĩnjũũĩ atĩ nĩgũgaakorwo kũrĩ kwega harĩ andũ arĩa matĩĩĩte Ngai

Ũndũ o wothe nĩũrĩ ihinda rĩrĩa rĩwagĩrĩire na ũrĩa wagĩrĩirwo nĩgwĩkwo, no ũmenyo wa mũndũ nĩ mũnyiinyi mũno.

Gũtirĩ mũndũ wĩ na hinya wa kũgiria akue, kana oige mũthenya ũrĩa agaakua. Ĩyo nĩ mbaara tũtangĩhota kweherera; na waganu ndũngĩhonokia arĩa meheanĩĩte kũrĩ guo.

Ngoro cia andũ ikoragwo kũna ciĩhaarĩirie gwĩka ũũru tondũ iherithia rĩa gwĩka maũndũ mooru rĩtiherithanagio narua.

Nĩkũrĩ ũndũ wa tũhũ ũthiaga na mbere thĩinĩ wa thĩ: atĩ andũ athingu makaherithio tondũ wa andũ aaganu, nao andũ aaganu makagaya iheeo cia andũ athingu; o na ũguo nguuga atĩ no tũhũ.

Amu mũndũ ndamenyaga ũrĩa gũgũtuĩka, na gũtirĩ mũndũ wa kũmwĩra.