Popular Bible Verses from Akolosai 3

Share

Kiranagĩrĩriai mũndũ na ũrĩa ũngĩ, na muohanagĩre rĩrĩa ũmwe wanyu eekwo ũũru nĩ ũrĩa ũngĩ. Ohanagĩraai o ta ũrĩa Mwathani amuoheire inyuĩ eene.

Igaai meciiria maanyu harĩ maũndũ ma igũrũ no ti ma gũũkũ thĩ.

Ũndũ o wothe ũrĩa mũrĩĩkaga, wĩkageei na ngoro yothe, ta arĩ wĩra wa Mwathani mũraruta, no ti wa andũ.

Inyuĩ mũrĩ andũ a Ngai; nĩamwendire na akĩmũthuura mũtuĩke andũ aake. Nĩ ũndũ ũcio, mwĩhumbeei kũiguanĩra tha, gũtugana, kwĩnyiihia, kũhoorera, na gũkirĩrĩria.

Ningĩ rekeei ũhoro wa Kristũ ũikarage ũingĩhĩĩte mũno thĩinĩ wanyu. Rutanagaai na mũtaaranage mũndũ na ũrĩa ũngĩ na ũũgĩ wothe ũrĩa mũrĩ naguo. Cookagĩriai Ngai ngaatho na ngoro cianyu, mũkĩmũinagĩra thaburi, nyĩmbo cia Ngai, o na nyĩmbo cia kĩĩroho. Maũndũ moothe marĩa mũrĩĩkaga na ciĩko kana na kwaria, meekageei rĩĩtwainĩ rĩa Mwathani Jesũ, mũgĩcookagĩria Ngai Ithe witũ ngaatho na ũndũ wake.

Mbere ya maũndũ macio moothe-rĩ, onanagiai wendani, tondũ nĩguo wohanagia maũndũ moothe magatuĩka maagĩrĩru kũna.

Angĩkorwo nĩmũriũkanĩirio hamwe na Kristũ-rĩ, gĩcaragiei maũndũ marĩa me igũrũ, kũrĩa Kristũ aikarĩĩte mwena wa ũrĩo wa Ngai.

Rekeei thaayũ ũrĩa Kristũ aheanaga ũmũtongoragie mũgĩtua matua maanyu nĩ ũndũ thaayũ ũcio nĩguo Ngai amwĩtĩire, tondũ mũrĩ o mwĩrĩ ũmwe. Na mũcookagie ngaatho.

Nĩ ũndũ ũcio no mũhaka mũtigane biũ na merirĩria ma maũndũ ma gũũkũ thĩ marĩa marutaga wĩra thĩinĩ wanyu, namo nĩ; ũmaraaya, ũũra thoni, merirĩria mooru, na gũcuumĩkĩra, (amu gũcuumĩkĩra no ũndũ ũmwe na kũhooya mĩhianano.)

Nĩ ũndũ nĩmũkuĩte, na muoyo wanyu ũhithĩĩtwo hamwe na Kristũ thĩinĩ wa Ngai.

No rĩu no mũhaka mweherie maũndũ maya: maraakara, mang'ũrĩ, muku, kũrumana, na kwaria maũndũ ma ũũra thoni.

Tigaai kũheenanagia inyuĩ eene nĩ ũndũ nĩmweyaũrire ũmũndũ wanyu ũrĩa mũkũrũ na mĩtugo yaguo yothe, mũkĩĩhumba ũmũndũ mwerũ, ũrĩa ũrerũhio o nginya ũgĩe na ũmenyo ũhaanane na Ngai ũrĩa waũmbire.

Inyuĩ athuuri, endagaai atumia aanyu na mũtikaamakũũmage.

Inyuĩ ciana, athĩkagĩraai aciari aanyu maũndũinĩ moothe, tondũ ũndũ ũcio nĩũkenagia Mwathani.

Inyuĩ atumia, heyagaai athuuri aanyu gĩtĩĩo tondũ ũguo nĩguo mwagĩrĩirwo nĩgwĩka ta Akristiano.