Popular Bible Verses from Akolosai 2

Share

Rĩu tondũ nĩmwamũkĩrĩĩte Jesũ Kristũ ta Mwathani, ikaragaai thĩinĩ wake. Mwĩhandeei wega thĩinĩ wake, na mwake ũtũũro wanyu igũrũ rĩake. Ikaragaai mũrũmĩĩte wega wĩtĩkioinĩ o ta ũrĩa mwarutirwo, na mũcookagie ngaatho mũno.

Mwĩmenyagĩrĩreei mũtigaatuuo ngombo nĩ mũndũ o na ũrĩkũ na maũndũ ma maheeni marĩa matarĩ bata ma maũũgĩ ma gũũkũ thĩ, marĩa matiganagĩrwo nĩ andũ na marĩa maumaga kũrĩ maroho marĩa maathanaga gũũkũ thĩ, no ti kuuma kũrĩ Kristũ.

Inyuĩ-rĩ, kwĩ hĩndĩ mwakuĩte kĩĩroho nĩ ũndũ wa meehia maanyu o na nĩ ũndũ mwarĩ andũ a Ndũũrĩrĩ arĩa matarĩ Watho. No rĩĩrĩ, Ngai rĩu nĩamũheete muoyo hamwe na Kristũ. Ngai nĩatuoheire meehia maitũ moothe; aatharirie thiirĩ ũrĩa twandĩkĩĩtwo o hamwe na Watho ũrĩa watũmĩĩte tũgĩe na thiirĩ ũcio, akĩeheria maũndũ macio o biũ na ũndũ wa kũmaamba mũtharabainĩ. Hau mũtharabainĩ Kristũ

Nĩ gũkorwo ũngai wothe ũikaraga ũmũndũinĩ wa Kristũ, na inyuĩ nĩmũheetwo muoyo mũkinyanĩru thĩinĩ wake. We nĩ mũnene wa wathani wothe o na moohoti.

Kwoguo mũtikaareke mũndũ o na ũrĩkũ amũthondekere mawatho ma kĩrĩa mũrĩrĩaga kana mũrĩnyuaga, kana ma mĩthenya ĩrĩa mĩamũre, kana thigũkũ ya karũũgamo ka mweri, kana Thabatũ. Maũndũ macio moothe nĩ ciĩruru cia maũndũ marĩa magooka; ma yamo nĩ Kristũ we mwene.