Popular Bible Verses from Johannes' openberring 3

Share

Sjå, eg står for døra og bankar på. Om nokon høyrer mi røyst og opnar døra, då vil eg gå inn til han og halda måltid, eg med han og han med meg.

Eg veit om gjerningane dine; du er korkje kald eller varm. Gjev du var kald eller varm! Men du er lunka, ikkje kald og ikkje varm. Difor vil eg spytta deg ut or min munn.

Alle dei eg har kjær, refser og tuktar eg. Gjer alvor av å venda om!

Eg veit om gjerningane dine. Sjå, eg har sett framfor deg ei opna dør, som ingen kan stengja. For du har lita kraft, og likevel har du halde fast på mitt ord og ikkje fornekta mitt namn.

Den som sigrar, han vil eg la sitja med meg på min kongsstol, liksom eg sjølv har sigra og sett meg med Far min på hans kongsstol.

«Eg er rik,» seier du, «eg har overflod og vantar ingen ting.» Men du veit ikkje at nett du er arm og ynkeleg, blind, fattig og naken.

Du har halde fast på mitt ord om tolmod. Difor vil eg halda fast på deg i den prøvingstid som skal koma over heile verda, for å prøva dei som bur på jorda.

Eg kjem snart. Hald fast på det du har, så ingen skal ta krona di!

Vakna, og styrk dei andre som held på å døy! For eg har funne at gjerningane dine ikkje held mål for min Gud.