Popular Bible Verses from Romarane 8

Share

Vi veit at alle ting tener til det gode for dei som elskar Gud, dei han etter sin frie vilje har kalla.

For eg er viss på at verken død eller liv, verken englar eller krefter, verken det som no er eller det som koma skal, eller noka makt, verken det som er i det høge eller i det djupe, eller nokon annan skapning, skal kunna skilja oss frå Guds kjærleik i Kristus Jesus, vår Herre.

På same måten kjem Anden oss til hjelp i vår maktløyse. For vi veit ikkje kva vi skal be om for å be rett, men Anden sjølv går i forbøn for oss med sukk utan ord.

Kva skal vi så seia til dette? Er Gud for oss, kven er då imot oss?

Så finst det no inga fordømming for dei som er i Kristus Jesus.

For det kjøtet vil, er død, men det Anden vil, er liv og fred.

Men i alt dette vinn vi meir enn siger ved han som elska oss.

Eg meiner at det vi må lida i den tida som no er, ikkje er nokon ting mot den herlegdomen som ein gong skal openberrast og bli vår.

Kven kan skilja oss frå Kristi kjærleik? Naud eller angst eller forfølging eller svolt, å stå naken eller i fare eller framfor sverd?

Og han som ransakar hjarta, veit kva Anden vil, for han bed etter Guds vilje for dei heilage.

Alle som blir drivne av Guds Ande, er Guds born.

Dei som lever slik kjøtet vil, traktar etter det som høyrer menneske til, men dei som lever slik Anden vil, traktar etter det som høyrer Anden til.

Han som ikkje sparte sin eigen Son, men gav han for oss alle, kan han anna enn gje oss alt med han?

Anden sjølv vitnar med vår ånd at vi er Guds born. Men er vi born, då er vi òg arvingar. Vi er Guds arvingar og Kristi medarvingar, så sant vi lid med han, så vi òg skal eiga herlegdomen saman med han.

Difor er det som kjøtet vil, fiendskap mot Gud, for det bøyer seg ikkje under Guds lov og kan det ikkje heller.

Det skapte lengtar inderleg etter at Guds born skal openberrast i herlegdom.

Vi veit at heilt til denne dag sukkar og stønnar heile skapningen saman, som i fødselsrier.