Popular Bible Verses from Forkynnaren 4

Share

Det er betre å vera to enn éin, dei får god løn for sitt strev. For om dei fell, kan den eine hjelpa den andre opp. Men stakkars den som er åleine! Når han fell, er det ingen som kan reisa han opp.

Om éin blir overvunnen, kan to halda stand. Ein tretvinna tråd slitnar ikkje så fort.

Når to ligg saman, blir dei varme, men korleis kan den som ligg åleine, halda seg varm?

Betre ei handfull ro enn begge hender fulle av strev. Det er som å gjeta vinden.

Eg såg at alt strev og all dugleik kjem av at den eine misunner den andre. Det òg er fåfengt, det er som å gjeta vinden.

Det er betre med ein fattig unggut som er klok, enn ein gammal konge som er dum og ikkje meir har vit til å høyra på åtvaring.