Popular Bible Verses from 5. Mosebok 10

Share

Og no, Israel, kva er det HERREN din Gud krev av deg? Berre dette: at du fryktar HERREN din Gud, så du alltid går på hans vegar og elskar han og tener HERREN din Gud av heile ditt hjarte og heile di sjel, og at du held HERRENS bod og forskrifter, som eg gjev deg i dag. Då skal det gå deg vel.

For HERREN dykkar Gud er Gud over alle gudar og Herre over alle herrar, den store, mektige og skremmande Gud som ikkje gjer skilnad på folk, og som ikkje lèt seg kjøpa.

Så omskjer då hjartet dykkar og ver ikkje lenger så hardnakka!

Han gjer rett mot farlause og enkjer, og han elskar innflyttarane i landet, så han gjev dei mat og klede.

Han er din lovsong, og han er din Gud, som har gjort desse store og skremmande gjerningane for deg som du har sett med eigne auge.

HERREN din Gud skal du frykta, og han skal du tena. Han skal du halda fast ved, og ved hans namn skal du sverja.

Sjå, himmelen og himmelen over alle himlar, jorda og alt som finst der, høyrer HERREN din Gud til.

De skal elska innflyttarane, for de var sjølve innflyttarar i Egypt.