Popular Bible Verses from Piripai 4

Share

Gur Noh gin kinhat sa indiproh daham da trun darheripri. Guragure daham dahamtipera ma dahaya danong oh Got ohnong Weso porin ohe da ohsiwi hat patim dahamtin meng oh porinmur.

Imat dahandeiptin Got oh Ihir Krais ohsi tap hat patim dahanahaptio rim hanip dire eimatnap na dahatin orhe gon manap da tit oh sa naprisipra. Naprisa ama napir da ohsi Noh gin kinhat sa indiproh daham da darheripti danong oh amkara ama da orhap isip hatipramur.

Gin pepe meng tit napotiprohmur. Ma napotiproh oh Gur yahnap hat armi goshat paten ohe danong ohwi daham da darher aperinmur. Ama apetiprohe yahnap da oh mamaru hat patmur. Arpinwi ma ripti dao yah hat sapti dao yah mat orhorwi pisapti dao ongeng tahatwi sapti dao boporsi deipti dao yahnapo por winsi deipti dao ama ihat dahatin ohe da oh gonsinong oh da darher aperinmur.

Norhe ihat patnong oh yahwiwa dahat ma pat oh Krais orhe kasip ohsi ihtin da nahatporhan ihat dahat patmur.

Gur Nuhur Hanipyah orhorsi pati ma hapat daham dipwi amam hat orhorwi patenmur. It tap meng orhor napotiprohmur. Amam hat orhorwi patenmur.

Imat natiri ohoh ihan norhe Got oh gur Krais ohe tapnong hat patio rim orhor ruumsansi papat han ohoh ihan gure hatip hayahanhe orhor yahnap mat orhorwi naprisipramur.

Noh rih gurnong yah meng ma napotipo nohe gure kintei yah hat sus gurnong ma namgitipo oh gur wanaham am hapti Ohe mimat namgipat da moh yahnap ma hapat dahatpamur. Ihan gure ama Moh yahnap da ma hapat dahat pati danong orhorwi hat sashenmur. Ama danong ohwi isip hat sayahanoh manap da nahat napapat Got orhor gursi napaptepramur. Ihan gur adanong ohwi hat sashenmur.

Hanipyah ohe it aprin oh kakduup hah ma hapat daham gur ahar manap da tei hat patim meng pot pisashenmur. Ihat pot pisaptin ihirhe gurnong wanahama sa am hapri.

Noh hatip hat patnong am haho ruumsan hat patnong am haho hat pat ohoh ihan noh ruumsan hat ahan yahwa. Pang hat ahanhe yahwa. Ruumsan dapat pei hahhanhe yahwa. Pang mat dam na pei hahhan yahwa daham norhe ma ihat patnong oh yahwiwa dahat patmur.

Noh amam hat patmur ma napor oh nohe ma hatip hat pat oh it gur titsi ha napanggeitingwe daham na ginapormur. Nohra norhe ma ihat patnong oh Noh mihtin han hat na patneng. Ihtin han hat patneng na dahapatmur. Norhe mama mihat pat moh yahwiwa dahen ohe da oh am hapat mama yahwiwa dahat pat ohmur.