Popular Bible Verses from Piripai 3

Share

Norhe taptem bapa. Noh ama da oh gonsi dara pomat isip mar mamen mat patwa na dahat patmur. Ihat pato rim nang dakmeitperim sakaripti ohe tan hat rihohe ma ihat pat danong oh na dahama nang dap dakmeitin danong ohwi ham nahsi hat orhorwi sakarpatmur. Sakara nang dap ma dakmeir ohe yan oh datporim sakarpatmur. Ama yan oh mohmur. Got oh dirnong Gur Jisas Krais ohe tapnong ham ohsi yah hat sashenmur. Ihat ma saya han gur noh mama yan moh napripramur rim ma mamen mat nat pat yan oh datinmat noh ama danong ham duut orhorwi sakarpatmur.

Nohe da oh Noh Krais orhe pat danong oh am hama orhe masas pat ohe kasipnong ohsi noh hatpora. Hapat orhe batbet dat susa ma haputipru hat orhor noh ihtipora. Ihahrit Got oh it sa napamsapra dahapatmur. Daham erer danong gonsi ohe danong na hama Krais orhe danongwi hat patmur.

Nohe rih ina teimdapat ma yah hat sasuhnong ohwi na dahapatmura; gin ohe ma ihat sapat mohsi tap mat oh Noh be ihat sapat ma hapat dahapatmur. Norhe Hanipyah Jisas Krais ohnong am hatin ohe da ohwi isip yahnap han ma hapat dahapatmur. Ihama ohe tapnong ham yah han hatin ohe da oh isip hat sonmat rihohe erer ma ihpat ohe da oh na napanggeitin ohe danong ihat sapat ma hapat daham mandama Krais orhorwi napanggeitin han ma hapat daham orhe danongwi hat sapatmur.

Ama ina teimdapat yah hat sasuh ohe pe oh yah yan datin mandap oh pat hatipra ma hapat daham ihat sasuhmur. Gin ma dahapat oh Ama ihat sasuh mandapnong oh be ihat sasuh ma hapat. Oh yah yan na datin ohe mandap ihat sasuh ma hapat dahapatmur. Krais orhornong ma dahapat ohe pe ohwi Go yah hanmur napotipra ma hapat dahapatmur.