Popular Bible Verses from یوحنّا 14

Share

سئزئن اوچون باریش قویورام. اؤز باریشیمی سئزه ورئرم. دونیا ورن کئمی یوخ، من سئزه ورئرم. اوره‌یئنئز اوزولمه‌سئن. قورخمایین.

عئسا اونا ددی: «یول، حقئقت و حیات منم. هچ کس آتانین یانینا گله بئلمز، مگر من واسئطه اولام.

اوره‌یئنئز اوزولمه‌سئن. تارییا ائمان گتئرئن، منه ده ائمان گتئرئن.

لاکئن تسلّی وِرَن، همئن موقدّس روح کی، آتا منئم آدیمدا گؤندَ‌ره‌جک، او، سئزه هر شیی اؤیرده‌جک و سئزه ددئیئم هر شیی سئزه خاطیرلاداجاق.

منی سِوَن او آدامدیر کی، امر اتدئکلرئم اوندادیر و اونلاری یرئنه یتئرئر. منی سِوَن، آتام طرفئندن سوئله‌جک و من اونو سوئب اؤزومو اونا ظاهئر اده‌جه‌یم.»

و من آتادان خاهئش اده‌جه‌یم و او سئزه باشقا بئر تسلّی ورن وره‌جک کی، ابده کئمی سئزئنله قالسین. او حقئقت روحودور کی، دونیا اونو قبول اده بئلمز. چونکی نه اونو گؤرَر، نه ده اونو تانییار. آمّا سئز اونو تانی‌ییرسینیز، چونکی سئزئنله قالیر و سئزده اولاجاق.

و منئم آدیمدا هر نه ائسته‌یه‌سئنئز، اونو اده‌جه‌یم کی، آتا اوغولدا عئزّت تاپسین. منئم آدیمدا مندن هر نه ائسته‌یه‌سئنئز، اده‌جه‌یم.»

«اگر منی سوئرسئنئز، امر اتدئکلرئمی یرئنه یتئررسئنئز.

آتامین اِوئنده چوخ اوتاق وار. اولماسایدی، سئزه دئیردئم. اونا گؤره گدئرم سئزئن اوچون یر حاضیرلایام.

و اگر گدئب سئزئن اوچون بئر یر حاضیرلاسام، گئنه گلئب سئزی اؤز یانیما آپارارام کی، من اولان یرده سئز ده اولاسینیز.

توماس اونا ددی: «یارب، هارایا گده‌جه‌یئنی بئلمئرئک، یولو نجه بئله‌رئک؟»