Popular Bible Verses from Matyu 28

Share

Tama tibaso, dage pelama, tigidali we bidi hani ena wali asobo we bidi pedelao. Tama dagego augwali te Aya me Ogwa me Mobo Bidigo nogide baptais mao. Tama dagego eno dagebolo te mani po tigidali augwaligo wali pomai hagede ola mao. Odiąo. Ena dage dali tigidali sogo bidaibao, tama te dagalu de tǫ si silibo sogoba usu naibao,” Jisasgo te po wai.

Tama Jisas pąba aselama, augwalibolo e tiwai po wali, “Godigo enabolo te tigidali dagalude me tǫde elalubo nai tonaluabo bomo mawai dao.

Tiali goli te mobo bidi enselgo te we sibolo te po wai, “Dage si wi tagalao. Eno koneani, dage sigo Jisas gegagasu asali, te bidi augwaligo te ni pedaide walali bidi dao. Aga ede me bidibeo. Aga ma hodaluali, te tiwai po polobadu agai wali. Dage sigo aga munaluali madi suagasao.

Jisasgo po weyu te we sibolo te po wai, “Dage si wi elamuo. Dage sigo eno ama dede augwalibolo wagi pelama, tama augwali te Galili buluba pao wao. Tama augwaligo ena tede sumainogo yaibao,” Jisasgo te we sibolo te po wai.

Tama te genuai bidi dabe augwali te Juda dabe tobolu bidi dabe dali sisinama, tama augwaligo po me deli mianio, tama augwaligo yabo sę po dąų wali. Augwaligo genuai mone te ami bidi dabebolo menama, tama augwaligo te po wai, “Dagego e tiwai po wao, ‘Da hulide godege piai digi, tama aga wali pali bidi dabe augwali geme aselama, tama augwaligo aga tigi wi sela pai yalio,’ dagego we bidibolo te po wao. Tama polalubo genuai gavman tuni bidigo te pedalali sę po odobo si, teda dago po meba agabolo weyu, tama dagego magi dwai sę yali homu me elalugobeo.” Te Juda dabe tobolu bidi dabego te po wai. Tama te ami bidi dabe augwaligo te moni mone selama, tama augwaligo te wali po augwaligo wali palio. Tama te po te Juda we bidiba pelama odali, tama augwaligo te po naga ola pali te megi tama me augwaligo te po me wabo dao.