Popular Bible Verses from Matyu 27

Share

Tama be pio ebo pąde Jisasgo i bomonama weyu, te po wai, “Eli, eli, lama sabaktaniwe?” Te po page e tiwai dao: “Eno God, eno God, magi baso nago ena tagaluwe?”

Tama te sogo naga te Moni Lotu Be tempel tomode walaluali genuai bobage dąį ilali nami ugwa te ugwadu gagalasa aiyaba mu pedasa dulama, tama pedai si pedalali. Tama tǫ mali ebadi, tama genuai masigi dabe me pebeda palio. Tama gų page palialuali tų dala pelama, tama Godigo we bidi hauwa, polobadu augwali isali, megi augwali tigi elalubadi tama ma hodalualio.

Te Jisasgo i bomonama ma olama, tama aga noma bidi mobo tagala palalio, te aga mu isalio.

Tama te enesigi bidi dabego tobolu bidi aga ami bidi dabe aga dali te Jisas tonaluali bage, augwaligo te tǫ mali ebo me te sę dabe pedalobo sulama, tama augwali moni wi mu yalio. Augwaligo te po wai, “Mu tamao, te bidi aga te Godigo Ogwa mu dao,” te po wai.

Tama te sia ge tomode mu, te tigidali tǫ badu te be hulia sabo tiwai elama, te be hulia si mu elama, tama telalubadi te be pio yabo magaba usu nanio.

Pailat agai augwalibolo te po wai, “Eno tama tiyu da, teda e bidi da Jisas, augwaligo Krais nogi ebo bidi, agabolo eno magi sę yagawe?” Tama augwali tigidaligo te po wai, “Aga ni pedaide elao.” Tama Pailatgo te po wali, “Magi basowe? Agai magi dwai sę yaliwe?” Tiali goli augwaligo bomonama ma i wali, “Ni pedaide aga elao,” wali.