Popular Bible Verses from Zlr 39

Share

Kawadaga Yawe nda Yusufu, mamu tsəha tida. Ka nzaku tsi ma həga ga daŋahəga ni mnda la Masar.

Tsaya tama kəl Putifar ka fanamtá inda skwa ni ma dzvu ta Yusufu, kawadaga nda tsi, haɗ sana skwi ta nghəglapta tsatsi ɗekɗek wu, ba za ɗafa ni kweŋkweŋ. Ɗina tsatá Yusufu, nda mbaza ma kuma guli.

Ka fanamtá tsa mali ta ghəŋa gamak ya, ma dzva Yusufu ta inda vuʼaha. Inda skwi ŋa magay hada ná, ta lab nda da tsatsi.

ka ksaftá tsi ta Yusufu ka hamta ma gamak, ma vli ta hamta lu ta vuʼaha mgham. Ka nzakw Yusufu hada ma gamak. Kawadaga Yawe nda Yusufu, ka maranaŋtá tsi ta zɗakwa ni, ka vlaŋtá tsi ta zɗakatahuɗa ni ta wa ira mali ta ghəŋa gamak.

Tahula tsa, ma sana fitik, ka nghə markwa daŋahəga ni ta Yusufu nda ira mbəzləh, kaʼa nda tsi mantsa: « Hana hana nda iʼi, » kaʼa. Ka kwalaghutá tsi. Kaʼa nda markwa daŋahəga ni mantsa: « Iʼi kawadaga nda tsi, ta haɗ daŋahəga ɗa ta nghəglapta ka sana skwi ma həga ni wa. Inda skwiha ni ná, fiɗim fa ma dzva ɗa. Malaghu a tsatsi nda ga mgham ma na həga na ka iʼi wa. Haɗ sana skwi pyaf tsi ta iʼi wu, ba kagha, kabga markwa taŋ ka. Waká yu dzaʼa magatá mndərga tsa ma ghwaɗaka skwi, ka gatá dmaku ta wa ira Lazglafta? » kaʼa.

Ma sana fitik, ka lam tsi da həga da maga slna ni. Haɗ sanlaha ma gwal ga taŋ ma həga baɗ tsa fitik ya wa. Ka ksaftá tsa markwa Putifar ya ta Yusufu ta lguta ni, kaʼa nda tsi mantsa: « Sawi da hanata nda iʼi, » kaʼa. Ka zlanaŋtá Yusufu ta tsa lgut ya ma dzva ni, ka hwayagapta dzibil.