Popular Bible Verses from Sab 12

Share

Ta tsa rviɗik ya dzaʼa lama yu ranaftá haɗika Masar, ŋa rwiŋta ɗa ta inda zumali ta haɗika Masar, zlrafta ni ta mndu ha ta rini. Dzaʼa tsanagha tsa yu ta guma ta inda lazglaftaha la Masar. Iʼi ná, Yawe yu. Us dzaʼa nzakway ka ŋizla ta həga mida kuni. Na nghaŋta ɗa ta us ya, ŋa tsughwaɗaghuta ɗa ta kaghuni, haɗ tsa zləmnda zaɗa mndu ya dzaʼa slaghunaghata ta dzuŋtá yu ta haɗika Masar wa.

Dzaʼa nzakway tsa fitik ya ŋa ghuni ka fitika havu. Ka ŋanata kuni ka skalu ŋa Yawe. Ka ŋanata kaghuni nda zivirha ghuni ka skwi ŋa magay ha ŋa ɗekɗek.

Ka ɗawaghuna ɗawa zwana ghuni ta klatá ghəŋa tsa skalu ya, ka kuni dzaʼazlay nda həŋ na: “Tsaya skwa pla ghəŋa ka Pak ŋa Yawe kabga tsughwaɗaghuta ni ta həga la Israʼila ma Masar ma fitika dzuŋta ni ta Masar. Ama ka zluŋtá tsi ta həgaha amu,” » kaʼa. Ka tsəlɓatá la Israʼila ka zlambata zluzlumbruh.