Popular Bible Verses from Lucas 8

Share

Ing bining digpa king gabun a mataba mangaintulid ya karetang dinamdam king amanu at sininup da iti kilub ning pusung mayap at mapamintu; iti menatili angga na inyang mika bunga.

Ing bining digpa libutad ning dikut a masuksuk kalupa da la detang makiramdam king amanu, oneng ing karelang kalingasngasan, ing pibandian at ing pamagsaya king bie ya ing makisiksikan king amanu at pupuputan da. Inya e na akuang lululut ning karelang bunga.

Ding bining digpa king gabun a mabatu ila naman detang dinamdam king amanu at tinggap dang matula. Oneng e tinaglus king pusu ra. Meniwala la sinaguli, oneng painggulut la potang daratang ing kapagsubukan.

Kaybat na nita, ngana karing alagad na, Nukarin ing kekayung kasalpantayanan? Oneng mipamulala la at mitakutan. Ngara king metung at metung, Ninu kaya yan? Apapamintuan na pati na ing angin at ing alun!

Ding bining digpa king dalan-dalanan ila ding mekaramdam king amanu, oneng daratang ya ing diablo at sasamsaman na ing amanu karing pusu da ban e la maniwala at e la miligtas.

Ing nanumang bage makasalikut, mibulalag, at ing nanumang makatakap, mayakit at milantad king masala.

Ikit na ning babai king merakap ya, inya migtapat ya at gagalgal yang migsakab king arap nang Jesus. King arapan da ring sabla pigtapat na nung baket tigkilan ne at nung makananu yang kinayap agad-agad. Nganang Jesus, Anak, pepakayap na ka ning kasalpantayanan mu. Mako na kang mitmung kapayapan.

Lepitan de ring alagad i Jesus at ginising de. Ngara, Maestro, Maestro! Malapit ta na mung mangamate! Mibangun ya i Jesus at sebianan ne ing angin at ing mangaragul a alun. Tinuknang at mesalese ing panaun.