Popular Bible Verses from Genesis 28

Share

Tandanan mung kayabe mu ku; ingatan da ka nukarin ka man munta at ibalik da ka king gabun a iti. E ra ka lakuan angga king atuparan ku ing pengaku ku keka.

Atyu ing GINU makatalakad siping na. Ngana, Aku, ing GINU, ing Dios ning pipumpunan mung i Abraham at Dios nang Isaac. Ibie ke keka ing gabun a pagkeran mu at pati na karing kekang maging lahi.

Nganang Jacob kagising na, Wa, ing GINU atyu keni agyamang e ku balu iti!

Kaybat na nita, mengaku ya i Jacob. Ngana, Nung manatili yang kayabe ku ing Dios at iligtas na ku king panganib kaniting kanakung pamaglakbe at dinan na kung sapat a pamangan at imalan, nung makapagbalik kung e ninanu balang king pibalebale nang tata ku, ing GINU ya ing maging Dios ku. Iting batung telakad kung anting palatandanan ya ing maging bale na ning Dios at ibie ku king Dios ing kapulung dake king heganaganang babie na kanaku.

Maging kasing dakal da la ning alikabuk ning yatu ding lahi mu at kalatanan de ing albugan, ing aslagan, ing norti, at ing mauli. Atagpuan da ring sablang bansa keti king yatu ing bendisyun keka at karing lahi mu.

Inaus neng Betel ing lugal a ita a mangabaldugan Bale ning Dios. Kanitang minuna ing lugal a ita ausan deng Luz.