Popular Bible Verses from FILIPINA 2

Share

Lagi va u saara ŋga taraɗi, u dlara bay uɗta a tak tagira ɦawaɗi, lagi lalamba eg tagiya tagiya, gol ndarayaŋŋa ŋgol su taŋga. Sana hal a li va ma jivina kay tambaɗi saaragi dlara jivira kay ndarayagina.

Vagi hurugi ni saa mayra mbay hu Yesu Kristura.

Nam ma ay ko tam u Lona day dayna, hal dla mayra ŋga tam u Lona kaɗi. Nam noy dlaamba nam ay gin u ndaɗta kini noy na ɗaw hin mbuɗ tam ki sa sunda. Nam mbuɗ tam ko sa warna na, tak tam ki ko sa warna na. Nam vi kam a kak iiri u lalamba tak ana nam hum vunna gak gak hu miɗna, miɗna hu gu garakŋa.

Lona li u agi na gak gak kay a mbuɗugi ki saɓakŋa u min mamba kay a mba li ko va ma nam ŋgaamma na.

Ni kay ndaɗta Lona tlam hu li ma kolo dayna, ɦam semma ŋgolna su semma halaŋŋa. Kay suu kolo huulona u suu kay ndaŋgarana u suu u ndaŋgara kaŋgana mba hum u sem Yesu, goɓ kaŋga u vun givisi fokomu. Kay vun suuna halaŋ mba di ana, Yesu ni Bu Suuna, ŋgolla vi Lona Buna egemu.

Li tlena halaŋ bay yoora u ciwayra. Kay agi mba li a suu ɗegee suu bay cora egegina goryoŋ Lona suu bay cora duk suu guni suu co hu duliyarana. Agi mba weleɗ dukusi ko ciciwra huulona na.

Banayanna agi hum ay un hu li ma an ay dukugina, va ma ŋgolna ni agi mba hum un ko ndaɗta na, lini an ka dukugiɗi lay, lagi sunda kay suɗ magira u ndaana huwa.