Popular Bible Verses from Cwaan 16

Share

Mii 'owe kikii'ishiwiintamawininim, niin i'imaa ciontinamek pisaanentamowin e'wiiciiwinakook. O'omaa ahkiink kaa‑ayaayek kitoontinaam ocaanimentamowin. Haw ampe mashkawentamohk! Aasha niin ninkiihshaakoocihtoon kahkina 'iwe ahkiink kaa‑ayaak kashki'ewisiwin,” okii'inaa'.

Paanimaa tahsh piotihsinek a'a Ahcaahk kaawaapanta'iwetc i'i tepwewin enentaakosinitc Kishemanitoon, kikakihkinowinikowaa cikihkentamek misiwe tepwewin kahkina kaaonciimakahk Kishemanitoonk. Aaniihsh kaawiin wiin iko tipinawe taoncikiikitohsii: i'iwe hsa ko kenoontank, mii 'iwe ketipaatotank. Kaye kikanitipaatotamaakowaa niikaanaya'iink keni‑ishiayaakin.

Kaa mahshi noonkom kipionciantotamaakehsiim i'iwe ehtipeniminakook. Antotamaakek, kikamiinikoom, kikamooshkine⁠minwentaam itahsh.”

O'owe tahsh wiin wiinke nintepwe kaashiwiintamawinakook: nawac kikaminohse'ikonaawaa maano cimaacaayaan. Aaniihsh kiishpin ekaa maacaahsiwaan kaawiin kikapiotihsikohsiiwaa 'awe Owiici'iwe. Kiishpin tahsh maacaayaan, kikapiicinisha'amawininim. Wiin tahsh ahpii takwihshink, mohshe piko okawaapanta'aa' ahkiink kaa‑ayaanitc, okakihkentamoonaa' e'waninaminitc wekonen i'i macitootamowin, kaye kwayahk ishihcikewin, kaye eshiayaanik Kishemanitoo otipaahkonikewin.

Inashke peshikwan kekiinawaa mekwaa noonkom kikakwaatakentaam. Miinawaa tahsh kikawaapamininim. Miitahsh wiinke kikaciihkentaam. I'iwehsh kiciihkentamowiniwaa kaawiin awiya kikaotaahpinamaakohsiiwaa. “Mii 'iwe ahpii kiishikahk, kaawiin memwehc kekoon kikakakwecimihsiim ciwiintamawinakook. Nintepwe kaaininakook: piko kekoon kekwecimek a'a Weyoohsimintc, niin ehtipeniminakook ishiantotamaakeyek, kikamiinikowaa.

“Nintepwe kaawiintamawinakook, kikamawim kaye kikakakwaatakentaam. Ahkiink itahsh kaa‑ayaawaatc taciihkentamook. Kiinawaa pinamaa kikamincinaweyentaam. Kikapoonimincinawesim itahsh, kikaniciihkentaam itahsh.