Popular Bible Verses from Cwaan 15

Share

Niin shoominaahtik, kiinawaa tahsh watihkwanan. A'a tahsh pishihshik kaawiiciiwitc, kaye niin e'wiiciiwak, miitahsh a'awe niipiwa' kekoon cikashkihtootc, taapishkoo watihkwan ehshoominiwank. Aaniihsh kaawiin kekoon kikakashkihtoohsiinaawaa ekaa wiiciiwihsiwek.

Mooshak iko wiiciiwihshik. Kekiinawaa hsa kikawiiciiwininim. Inashke, kaawiin taanihtaawikihcikemakahsinoon piniskweayaak watihkwan. Mii ehta keoncishoominiwank ahpan iko 'imaa oncinihtaawikik shoominaahtikonk. Amiihsh i'i peshikwan kekiinawaa kaawiin kekoon kikakashkihtoohsiim, pishihshik ehta wiiciiwiyek kikakashkihtoom.

Kiishpin itahsh pishihshik wiiciiwiyek kaye nintihkitowinan wiiciiwikoyek, piko kekoon kaa‑antawentamek kikakanoonaawaa Weyoohsimintc, kikamiinikowaa tahsh.

Inashke hsa, kaawiin kiinawaa niikaan kikii'onaapamihsiim. Niin aaniihsh kikii'onaapamininim, kaye kikii'onahsininim cimaacaayek, niipiwa' ciantakashkihtooyek. 'Iwe tahsh aaniin iko kekoon keshikashkihtooyek, miitahsh ciayaamakahk pishihshik. Amiitahsh piko kekoon keoncikakwecimek Weyoohsimintc, niin ehpiminisha'oyek, kikamiinikowaa.

Kaawiin aaniihsh awahshime awiya osaaki'iwewinihsii, ahpiihc wiin cipakitinank opimaatisiwin, awiya' kaasaaki'aatc cipimaatisinitc.

Minihk itahsh entahso watihkwaniwiyaan kaashoominiwansinok opahkwacipitoon. Tahsin itahsh kaashoominiwaninik, pankii okiishkishaan, mii ehkiishaacihtootc awahshime ciminoshoominiwaninik.

Mii 'owe eshianooninakook: ishisaaki'itik taapishkoo kaashisaaki'inakook.

Miihsh 'owe keshikihkencikaatenik okihci‑inentaakosiwin a'a ninTete, niipiwa' kekoon kashkihtooyek. Amiitahsh 'imaa kikaishi okihkino'amawaakanimininim.

“Niin tepwe a'a kwayahk shoominaahtik. A'ahsh ninTete Kihtikewininiiwi kaakanawenimaatc shoominaahtikoon.

Awiya piko ahpane ko wiiciiwihsik, mii 'i keishinaakositc taapishkoo watihkwan kaashoominiwansinok kaawepinikaatek e'ani‑ishipaahtek itahsh. Ono tahsh tino watihkwanan maamawinikaatewan, macohtewepinikaatewan, miihsh eshicaakitekin.

“Miihsh o'owe kaaonciwaawiintamawinakook, peshikwan kaye niin kaashiciihkentamaan, kaye kiinawaa ciwiiciiwikoyek ciihkentamowin, kaye kiciihkentamowiniwaa misiwe cimooshkineshkaakoyek.

Kiishpin kanawentamek ini kaaihkitoyaan citootamek, ahpan iko kika/⁠ayaam ninsaaki'iwewinink. Mii kaye niin kaaishikanawentamowak kaaishitc a'a ninTete kaye e'ayaawak osaaki'iwewinink.

Amiihsh 'owe eshikanooninakook, cisaaki'itiyek.”

Kiishpin kiiwiicitipentaakosiimekwaapan iki ahkiink kaa‑ayaawaatc, kitaakiihsaaki'ikowaak. Aaniihsh niwiicitipentaakosiimikonaanik kitaaikowaak. Kaawiin itahsh 'imaa kitooncitipentaakosihsiim ahkiink. Niin itahsh kikii'onaapamininim 'imaa ahkiink cioncitipentaakosihsiwek. Miihsh o'owe wencishiinkeniminekwaa.