Popular Bible Verses from ᒉᓂᓯᔅ 27

Share

ᑕᑲ ᑲᔦ ᑭᔐᒪᓂᑑ ᑭᑲ ᒦᓂᒃ ᑳᑭᒥᐗᓂᓂᒃ ᑮᔑᑯᕽ ᑳᐅᒌᓂᒃ, ᑕᑲ ᑲᔦ ᐅᑲ ᐅᔑᑑᓇᓐ ᑭᑭᑎᑫᐗᑲᒥᑰᓐ ᒋᐌᓅᒋ ᓂᑖᐎᑭᒋᑫᒪᑲᓂᓂᑭᓐ᙮ ᑕᑲ ᑲᔦ ᓃᐱᐗᐞ ᑭᑲ ᒦᓂᒃ ᐸᑴᔑᑲᓇᓐ, ᔔᒥᓇᐞ ᑲᔦ ᑫᐅᒋ ᐅᔑᑑᔭᓐ ᔔᒥᓈᐳ᙮ ᐯᒫᑎᓯᐙᒡ ᑲᔦ ᑭᑲ ᐸᒦᑖᑰᒃ, ᑲᑭᓇ ᑲᔦ ᑳᐯᐸᑳᓉᐙᓇᑭᓯᐙᒡ ᐯᒫᑎᓯᐙᒡ ᑭᑲ ᐅᒋᒌᑾᓇᐲᑖᑰᒃ᙮ ᑭᑲ ᐅᑭᒫᑲᑕᐙᒃ ᑲᔦ ᑎᐱᓇᐌ ᑭᑎᓇᐌᒫᑲᓇᒃ, ᐃᐃ ᑲᔦ ᑭᒫᒫ ᐅᑯᓯᓴᐞ ᑭᑲ ᐅᒋᒌᑾᓇᐲᑖᑰᒃ᙮ ᑫᒪᒐᑭᒥᒀ ᓴ ᑕᒪᒐᑭᒫᐗᒃ, ᑫᔕᐌᓂᒥᒀ ᓴ ᑕᔥ ᑕᔕᐌᑖᑯᓯᐗᒃ, ᑮᐃᑭᑐᐗᓐ᙮

ᐄᔂ ᑕᔥ ᑮᐃᑭᑐ, ᑌᐺ ᓴ ᑾᔭᒃ ᑮᐃᔑᓂᑳᓈᐎᑎᐸᓐ ᐊᐲ ᒉᑲᑉ ᑮᐐᓱᒡ, ᐋᓃᔥ ᒦ ᐃ ᐁᑭᑑᒪᑲᓂᓂᒃ ᐅᐐᓱᐎᓐ ᐃᐃ ᑳᐱ ᐗᔦᔑᒥᒡ ᐋᔕ ᓃᔣ᙮ ᐁᑮ ᐅᑖᐱᓇᒪᐎᒡ ᑳᐐ ᑎᐱᓇᐌᐎᓯᐗᑭᐸᓐ ᓃᓐ ᓂᑕᒻ ᐁᑮ ᓂᑖᐎᑭᐗᒃ, ᐃᓇᔥᑫ ᑕᔥ ᑲᔦ ᓂᑮ ᑮᒨᒋ ᒪᑲᒥᒃ ᑳᐐ ᐃᔑ ᔕᐌᑖᑯᓯᐗᑭᐸᓐ᙮ ᒦᑕᔥ ᑳᐊᓂ ᐃᑭᑐᒡ, ᑳᐐᓐ ᐃᓇ ᑭᑮ ᐃᔥᑯᓇᓰᓐ ᑫᑰᓐ ᒋᔕᐌᑖᑯᓯᔮᓐ?

ᒦᑕᔥ ᐋᐃᓯᒃ, ᑳᐃᓈᒡ ᐄᔂᓐ, ᐃᓇᔥᑫ ᑕᔥ ᑮᓐ, ᐋᑎ ᑫᔑ ᑲᐯᔑᔭᓐ ᐅᐅᒫ ᐊᑮᕽ, ᑳᐐᓐ ᑫᑰᓐ ᑭᑲ ᓂᑖᐎᑭᑑᓰᓐ, ᑳᐐᓐ ᑲᔦ ᑮᔑᑯᕽ ᑕᐅᒋ ᔖᐳᐲᓯᓅᓐ ᑫᔑ ᑭᑎᑫᔭᓐ᙮ ᑭᐸᔑᐸᐃᑫᐎᑯᒫᓃᕽ ᓴ ᑮᓐ ᑭᑲ ᐅᑖᑎᔅ, ᑭᑲ ᐸᒦᑕᐙ ᓴ ᑲᔦ ᑮᒋᑭᐌᓯ᙮ ᐊᐲ ᑕᔥ ᐊᓂ ᑎᐯᓂᑎᓱᔭᓐ, ᒦ ᓴ ᐃ ᑳᐐᓐ ᐊᐗᔑᒣ ᑭᑲ ᑎᐯᓂᒥᑯᓰ᙮

ᐄᔂ ᑕᔥ ᐅᑮᐃᓈᓐ ᐅᑌᑌᓐ, ᓂᑌᑌ, ᑮᒥᒋᐯᔑᑾᓐ ᐃᓇ ᑭᔕᐌᒋᑫᐎᓐ? ᓂᑌᑌ, ᑕᑲ ᑫᓃᓐ ᔕᐌᓂᒥᔑᓐ᙮ ᒦᑕᔥ ᑳᐃᔑ ᑭᔒᐌᒡ ᐁᑮ ᒪᐎᒡ᙮