Popular Bible Verses from 1 Co 2

Share

Iroka iꞌsia ĩꞌrĩkaoka ĩᵽarimarãkaki õrĩwaᵽuꞌabeyua. Norĩwaᵽuꞌarikareka Maĩᵽamaki tẽrĩrikire yaᵽua tetaekarã najããberijããeka. Iroka norĩwaᵽuꞌaberikoꞌomakaja, kiroꞌsi bojaĩjirimajire oꞌoekakaka morĩyeꞌe: “Jĩjimaka kire õñurãre jia imarũkia Tuᵽarãre jieweitika makioka ĩakoribeyuakaka. Suᵽabaatirã naᵽuᵽajoabeyua, naꞌmitirikoribeyua”, sabojayu Tuᵽarã majaroka oꞌoeka ᵽũñurã.

Tuᵽarãre nayiꞌribeᵽakãꞌã Esᵽíritu Santore nare ñaꞌrĩjãiberikarã ᵽuri, kijeyobaaikaᵽi yija bojaika ãꞌmitiriwãrũbeyurã. “Waᵽuju õrĩberiri oka sime”, narĩᵽuᵽajoayu.

Ᵽoꞌimajare õrĩberika imakoꞌomakaja, maekaka ᵽuri sayija õñu, Esᵽíritu Santore yijare sõrĩrũjemaka. Ika Esᵽíritu Santore baayu dakoa jariwaꞌririmarĩa õñuka imarĩ. Ritaja Tuᵽarãre ᵽuᵽajoaika ᵽariji õrĩᵽataiki kime.

Jesúre ãꞌmitiriᵽẽabeyurã ᵽuᵽaka tĩᵽika uᵽaka nabojakoᵽeika ãꞌmitiriᵽẽabeyurã yija. Esᵽíritu Santore wãrõika takaja yija ãꞌmitiriᵽẽayu. Jía Tuᵽarãre mare jaꞌataekakaka morĩwãrũerã Esᵽíritu Santore kiᵽũataeka maroꞌsi.

Cristore reyaekakaka mijare yibojaraᵽaka ᵽoto, “Jia õñurã yija ime”, ãñurãre jaika uᵽaka marĩa mijare yijairaᵽe. “ ‘Ᵽablore jia bojaika imarĩ Cristore yija ãꞌmitiriᵽẽayu’, narĩrũ”, ãrĩwaꞌrimarĩa mijare sayibojaraᵽe. Esᵽíritu Santorikaᵽi maikoribeyua mijare yibaabearaᵽaka ĩawaꞌri yibojaraᵽaka mija ãꞌmitiriᵽẽaraᵽe. Suᵽa imarĩ õrĩtiyairã uᵽaka jia yijaiberaᵽe mijare. Tuᵽarãrika ĩawaꞌri Jesucristore mija yiꞌririka yiyaᵽaraᵽe yiꞌi ᵽuri.