Popular Bible Verses from 1 Co 1

Share

Tuᵽarãre mijare wãꞌmaeka, “Jia õrĩᵽũabeyurã nime”, kire õrĩbeyurãre mijareka ãrĩkoꞌomakaja. “Jia õñurã yija ime”, ãñurãre ᵽuᵽaᵽeꞌrirũ, “¿Baꞌiaja maᵽuᵽajoayu bai?”, narĩwãrũrũ ãrĩwaꞌri, iꞌsuᵽaka kibaaeka. Suᵽabaatirã, “Imatiyabeyurã nime”, narĩkarãre Tuᵽarãre wãꞌmaeka, kirirã nimaokoroꞌsi. “Tẽrĩrã yija ime”, ãrĩkoᵽekarãre wayuᵽiꞌrirũ ãrĩwaꞌri. Ᵽoꞌimaja jiyiᵽuᵽaka õrĩbeyurãre kiwãꞌmaeka, Tuᵽarãre yiꞌribeyurãre jiyiᵽuᵽayeeikakaka, “Dako waᵽamarĩa sime”, ᵽoꞌimajare ãrĩwãrũokaroꞌsi, suᵽa kibaaeka.

Suᵽa imarĩ Jesucristore yaᵽua tetaekarã naᵽatakĩaekakaka majaroka ãꞌmitirikoꞌomakaja, “Waᵽuju õrĩᵽũaberiri oka sime”, nañu baꞌiaja imarika tiyibeyurõꞌõrã aꞌrirũkirã. Tuᵽarãre yiꞌriwaꞌri kiᵽõꞌirã aꞌrirũkirã ᵽuri, “Tẽrĩwaꞌribaji imaki kime. Ika majarokaᵽi Tuᵽarãre mare tããrãñu”, ãñurã maime.

Tuᵽarãrika õrĩwãrũbeyurã ᵽuri, “Kimakire reyaerã Tuᵽarãre ᵽũatamaka waᵽuju õrĩᵽũabekaja suᵽa kibaaeka”, ãñurã kire ãꞌmitiriᵽẽabeyurã. “Dika jariwaꞌririmarĩa yija õñu”, narĩkoᵽekoꞌomakaja, norĩkoᵽeika tẽrĩwaꞌribaji sime Tuᵽarãre õñua. “Kimakire reyaerã kiᵽũatamaka tẽrĩrimarĩka kimaeka”, nañu. Suᵽa narĩkoꞌomakaja, “Tẽrĩribaji yija ime”, narĩkoᵽeyu iꞌsuᵽakamarĩa sime. Kimakire ᵽũatawaꞌri nare tẽrĩribaji kime.

Suᵽa imarĩ, “ ‘Ikuᵽaka yibaarãñu’, kẽrĩka uᵽakaja Tuᵽarãre mare baarãñu”, ãrĩwãrũirã mija ime. Suᵽabaatirã Tuᵽarãja kime Kimaki Maĩᵽamaki Jesucristoka jia jĩjimaka maimabuꞌarijarirã mare wãꞌmaekaki.

Mija ãꞌmitiᵽe yijeyomarã. Jesucristore ᵽũataekaki ñime. Suᵽa imarĩ ikuᵽaka mijare ñañu: Ĩꞌrĩkare ᵽuᵽajoairokaᵽiji mija imabe, rakaka ᵽuᵽajoabekaja. Iꞌsuᵽaka mija baarãkareka ĩꞌrĩka taꞌiarãja mija imarãñu.

Jesúre reyaekaᵽi ãrĩwaꞌri bikija oꞌoeka ᵽũñu bojatika uᵽakaja sajarika. Suᵽa imarĩ jia ᵽuᵽajoarika õñurã, noñuaᵽi Tuᵽarãre õrĩwãrũbeyurã. Iꞌsuᵽakaoka Moisés imaekakire jãꞌmeka wãrõrimaja, saᵽi ᵽoꞌimajare natããrũkimarĩa sime. Suᵽabaatirã naᵽuᵽaka nare ãñu uᵽakaja ᵽuᵽajoatirã jia jaiwãrũirãoka, saᵽi Tuᵽarã ᵽõꞌirã eyawãrũbesarãñurã. Iꞌsuᵽaka ᵽuᵽajoairãre dakoa waᵽamarĩa naᵽuᵽajoaika jarirũjeiki Tuᵽarã.