Popular Bible Verses from Matiyu 7

Share

Ge hutapa afi nekegenoʼao afaʼa lapamigiyanagi. Kahauya hiyo agetapa aligayanagi.

Hakalu hakalu nehigenoʼao kitamo yakino lapategaiyanagi. Muki vayaʼmogi Gotifeʼmo ge huʼa afi nekaya vayaʼmogimo afaʼa aligae. Kahauya nehaya vayaʼmogimo ageʼa aligae. Hakalu hakalu nehaya vayaʼmo uʼa haisayafeʼmo kitamo yakino apategaiye.

Ani kavafeʼmo huʼnaeʼmo, muki vayaʼmogimo mani hapa nepauva gemo afiteʼa akame nehaya vayaʼmogimo mago afiteno ageʼniya vekamoʼmo noʼamo alopa yafateʼmo faino ateteno ki maleʼniya vekagana huʼa maiʼnae.

Mosese keʼaepa geʼe Gotitegati gemo alini eʼa aeʼa hakalo huʼa hapa nepaiya vayaʼai gemoʼeʼmo aepaʼamoʼmo hunoʼaeʼmo, lapakaemo na agufa kavaʼmo lapakaetegamo hisaya kavafeʼmo lahapauʼnisiyaʼmoʼmo ani agufa kavakeʼmo muki vayaʼaitegamo hiyo.

Afaʼa maisaya yaʼmo alisaya kate kipaʼmo aise kipaʼmo haneʼnigeno lokiya kaʼmo haneʼnigeʼa magoke magoke vayaʼmogigeʼmo ha ha huʼa kahauya huʼa neʼagae, huno hapa paiʼniye.

Alino apagoʼya lagauno apatalesiya kate kipaʼmo alopa kipaʼe alopa kaʼeʼmo haneʼnigeʼa muki asole vayaʼmo ani kateʼmo neʼvayaʼmofeʼmo aise kipapiʼmo uta haiyo.

Lapakaemo hosu vayaʼmo maiʼnayaʼmonanafa mafaʼnetapimo alagepa yakeʼmo alita neʼapamiya kava huno kokuʼnapi afotapimoʼmo magoʼe huno aeno lapaka seno maiʼnenoʼaeʼmo ge huʼa afi nekaya vayaʼmo alagepa yaʼmo apamigiye.

Gotiʼa kavatapimo alino fako huno olapatesiyafeʼmo alu vayaʼai kavaʼapimo alita fako huta oʼapateyo. Haiya kava hutapa vayaʼai kavaʼapimo alita fako huta neʼapatesafi ani agufa kavakeʼmo huno alino fako huno lapategaiye. Na agufa kavatetiʼmo alita fako hutapa neʼapatesafi ani agufa kavakeʼmo huno alino fako huno lapategaiye.

Inagi muki vayaʼmogimo mani nehuva gemo fikumo afiteʼa akame nosaya vayaʼmo mago negi vekamoʼmo noʼamo ani kahaepaleʼmo fiku ki maleʼniya vekagana huʼa maiʼnae.

Na kava higetapaeʼmo konagatapimo aulagafiʼmo afayaʼmo haneʼnigetapa neʼagayaʼmonanafa lapaulagafiʼmo latapa yakefamo haneʼniya yaʼmo noʼagae. Latapa yakefamo lapaulagafiʼmo haneʼniyaʼmonanafa na kava higetapaeʼmo konagatapieʼmo hutapaeʼmo, kaulagafatiʼmo afayaʼmo aliʼna atalegauve, hutapa nehae.

Aigofe vayaʼmogi gemo alini eʼa aeʼa hakalo huʼa hapa nepaiya vayaʼaifeʼmo ehetapiye. Apakaemo sipisipi agufamo heʼa kalopaeʼa apakufaleʼmo vailiʼneʼa neʼayaʼmofeʼmo afela kalamoʼmo vayaʼmo nehapaeya kalagana huʼa maiʼnae. Apaipafatiʼmo alagamo neʼaesigetapa apaketetapaeʼmo, haiya agufa vayaʼmo maiʼnafi, hutapa apakegae. Aufe yosamoʼmo haga nehiya nofi alagamo afaʼa neʼaefiye. Hosu kahaumoʼmo haga alagamo afaʼa neʼaefiye. Haʼao.

Alagepa yosamoʼmo alagepa alagaʼageʼmo neʼae. Hosu yosamoʼmo hosu yosa alagaʼageʼmo neʼae.

Alagepa yosamoʼmo hosu yosa alagamo afaʼa oʼaegaiye. Ani kava huno hosu yosamoʼmo alagepa yosa alagamo afaʼa oʼaegaiye.

Muki alagepa alagamo noʼaeya yosaʼamo ago heʼya aiteʼa aliʼa atafiʼmo yaga auʼa nekae.