Popular Bible Verses from Apa 1

Share

Oʼafigayaʼmonanafa Goti Aunemeʼamo aote Aunemeʼamo lapakaeteʼmo emineno lokiya vaino lapatesigetapa Yulusalemu taonifinagi muki Yutiya kotegagi Sameliya kotegagi muki ma mopamo loleʼe loleʼe atupalegagi hutapa nava gemo aeta hakalo hutapa hapa paimale hapa paimale hugae, huno hapa paitegenoʼaeʼmo

Afoʼnimoʼmo lekana pai maleʼniya afinaʼe kanaleʼeʼmo agaiʼa yanageno hainu afinaʼmo afole aisifigetapa oʼafigae.

Yesuʼe apa vayaʼaʼeʼmo aliʼa anupa huʼa maiʼneʼapaeʼmo hapa painoʼaeʼmo, Yulusalemu taonifatiʼmo ataletapa oʼuta maiʼniyo. Afoʼnimoʼmo hunoʼaeʼmo, lapakaetegamo aliʼna atesugeno emiʼnegaiye, huno naha paiʼnigeʼna ava gemo huʼna lapa paiʼnova vekaeʼmo agava maiyo. Yoniʼa anilafapiʼmo aniʼmo faleno apatetenoʼaeʼmo aise afinaʼmo utesigeʼna Goti Aunemeʼaletiʼmo aniʼmo faleʼna lapategauve, huno hapa paiʼniye.

Yesuʼa faliʼniyatetiʼmo he tinoʼaeʼmo apaulagaleʼmo fotiʼa afinapatiʼmo alu afina alu afinaʼmo afole aite afole aite huʼniye. Agaemo muki afinaʼmo muki kavaʼamo apaulagaleʼmo huʼnigeʼa ageteʼapaeʼmo, ago he tino afaʼa maiʼniye, huʼa magoke apakesamo afiʼnae. Afole aino maiʼnenoʼaeʼmo Gotiʼa yagaino neʼapateya kavafeʼmo alino apaya maleʼniye.

Gotiʼa kokuʼnapiʼmo avalelino uno haino hiyapiʼmo faleʼnigeʼa ageʼnageno uno haino faleʼniye.

Kokuʼnapiʼmo aulu heʼa ageʼa maiʼnageʼanaeʼmo lole vekalaʼmo yaveyave kukena vailiʼnaʼa vekalaʼmo malage huʼana afole aiteʼanaeʼmo apakaeʼeʼmo magokepi he tiʼana maiʼnaʼae. Maiʼneʼanaeʼmo, Galeliya vayane, huʼana, Na kava higetapaeʼmo kokuʼnapiʼmo aulu nehae. Ani vekamo Yesuʼa lapakae folagapatiʼmo Gotiʼa kokuʼnapiʼmo avalelino uno haiʼnigetapa ageʼnaya kava huno halate eminegaiye.