Popular Bible Verses from MATTHEW 7

Share

Da'íínóhkeed, áko deínóhkeedígíí nihaa dadoolyééł; hádaaht'į́, áko hádaaht'ínígíí bik'ídadoohkah; dáádílkał nídanołts'in, áko nihá ąą ádadoolnííł.

Háálá t'ááłá'í jinítínígo dajókeedii éí haa dahalyé, hádajit'ínígíí bik'ídajiikááh, índa dáádílkał nídazniłts'inígíí há ąą ádaalne'.

Áko t'ááłá'í jinítínígo díí shizaad dazdiits'a'go bida'jił'ínígíí éí diné léi' hóyą́ągo tsé'éłkáa'gi bikin niiní'ánígíí nidahojílin

Éí bąą diné hach'į' ádaaníił le' danohsinígi át'éego nihígo yee' bich'į' ákódaahníił le', háálá éí bee haz'áanii áádóó Diyin God yá dahalne'ii yee nida'nitin.

Háálá iináajį' áhoołts'óózígo yah ahóót'i' áádóó áhoołts'óózígo bich'į' honít'i', áko t'áá díkwíí éí yik'ídahakááh.

Áhoołts'óózígo yah ahóót'i'í góne' yah ahohkááh, háálá atí'oolníiłjį' hóteelgo yah ahóót'i' áádóó hóteelgo bich'į' honít'i', áko diné lą'í ákóne' yah ahikááh.

Áko nihí doo yá'ádanoht'éeh da nidi, aa doolyéełii yá'ádaat'éehii nihada'áłchíní baa dadoohłéełii nihił béédahózingo, éí bilááh át'éego nihiTaa' yá' ąąshdi hólóonii ha'át'íhída yá'ádaat'éehii bídajókeedígíí haa yiiníiłgo át'é.

Doo nihaa nídahódóot'įįłígíí biniyé t'áadoo aa nídaaht'íní. Háálá bee aa nídaaht'íinii t'áá éí bik'ehgo nihaa nídahódóot'įįł, áádóó t'áá ła' bá ída'nooł'ąąd yę́ęgi ánéelt'e'go nihá ínídadí'nóol'ąął.

Áádóó t'ááłá'í jinítínígo díí shizaad dazdiits'a'go doo bida'jił'ínígíí, éí diné léi' doo hóyą́ą́góó séítahgi bikin niiní'ánígíí nidahojílin.

Áko ha'át'íí biniyé nik'is binák'e oolts'idígíí níníł'į́, nidi t'áá ni nástáán ninák'ee sitánígíísh doo baa ákonínízin da? Éí doodaii' t'áá ni nástáán ninák'ee sitą́ągo, ha'át'éego nik'is ábididííniił, Haa'íshą' ninák'e oolts'idígíí ná haash'aah?

T'óó ádahodil'į́įgo dahalne'ii bits'ąą ádaa ádahołyą́, jó éí dibégi át'éego doo báhádzidgóó nihaa nídaakah, nidi dabiyi'di t'éí mą'iitsoh t'óó báhádzidgo dichin daazlį́į'go da'aldeełii nidahalin. Nidi éí tsin bineest'ą' bee bééhózinígi át'éego ádaaníłígíí bee nihił béédahózin doo. Da' ch'il deeníníísh bąąhdóó ch'il na'atł'o'ii wóbé, éí doodaii', da' hoshísh bąąhdóó fig wolyéhígíí wóbé?

Jó, tsin yá'ádaat'éehii t'áá ałtso bąąhdóó aneest'ą' yá'át'éehii nídahoodleeł, nidi tsin nichxǫ́'ígíí bąąhdóó aneest'ą' nichxǫ́'ígíí náhoodleeł.

Tsin yá'át'éehii bąąhdóó aneest'ą' nichxǫ́'ígíí doo hóle' át'ée da, áádóó tsin nichxǫ́'ígíí bąąhdóó aneest'ą' yá'át'éehii doo hóle' át'ée da.

Tsin t'áá ałtso bineest'ą' doo yá'át'ééhgóó bąąh nídahadleehígíí k'ídahalne'go kǫ' biyi' góne' adahaltł'iid.