Popular Bible Verses from Mateo 19

Share

Yesu abalolesha, abeba ati, “Abantu bena kuti bafilililwafye, lelo Lesa ena tafilwa kantu.”

Kanshi nomba tabali babili, balifye umubili umo. Ico Lesa alundinkanya, umuntu ecilekanya.”

Yesu abasuka ati, “Bushe tamwabelenga ukuti, Lesa uwabumbile abantu pa citendekelo, abumbile umwaume no mwanakashi! Kabinge atile, ‘Kanshi eco umwaume ashiila wishi na nyina, no kuminkana no mukashi wakwe, elyo aba babili baba umubili umo.’

Yesu ena asosa ati, “Lekeni utwaice twise uko ndi, mwitulesha iyoo. Pantu ababa ngotu twaice, e bene ba Bufumu bwa mu mulu.”

Lelo abengi abantanshi, bakaba abakulekelesha, na bengi abakulekelesha, bakaba e bantanshi.

Na onse uwasha amayanda, nangu bamunyina, nangu inkashi, nangu wishi, nangu nyina, nangu abana, nangu amabala, pa mulandu wakukonka ine, akapokelapo pali conse umwanda umo. Elyo akakwata no mweo wape.

Yesu amwasuka ati, “Nga ulefwaya ukuba uwapwililika, kabiye uye shitisha ifyo wakwata. Upeele ne ndalama ku balanda, lyena ninshi ukakwata icuma mu mulu. Elyo wise unkonke.”

Yesu amwasuka ati, “Cinshi ico wanjipushisha pa mulandu wa busuma? Umusuma abafye umo mpo. Nga ulefwaya ukumona umweo ulekonka amafunde.”

Nakabili ndemweba nati, cayangukapo ingamila ukupula mu linso lya nshindano, ukucila umuntu uwafyuma ukwingila mu Bufumu bwakwa Lesa.”

Nomba ine ndemweba nati, uwaleka umukashi wakwe, apashili mulandu wa bulalelale, aupa na umbi, ninshi lubembu acita.”

Elyo Yesu aebele abasambi bakwe ati, “Ndemweba icine cine, cintu cayafya ku wafyuma ukwingila mu Bufumu bwa mu mulu.