Popular Bible Verses from Yoani 15

Share

“Ine nine mwangashi, imwe muli misambo. Uwaikalilila muli ine, na ine muli ena, uyu eutwala ifitwalo ifingi. Pantu ukwabula ine, imwe teti mucite nelyo cimo.

Mwikalilile muli ine, na ine nakulaikalilila muli imwe. Umusambo uwine weka tekuti utwale ifitwalo kano uli ku mwangashi. E cimo cine na imwe, nga tamwikalilile muli ine, ninshi teti mutwale ifitwalo.

Nga mwaikalilila muli ine na mashiwi yandi yaikalilila muli imwe, lyena kuti mwalomba conse ico mulefwaya, no kupeelwa mukapeelwa.

Teimwe mwansala iyoo, nine namusala. Kabili namutuma nokuti muye muletwala ifitwalo, nefi fitwalo fyakubelelela. Lyena Tata akalamupeela conse ico mwamulomba ico muli basambi bandi.

Tapaba umuntu uwatemwa umunankwe ukucila pali uyo waleka umweo wakwe pali bacibusa bakwe.

Alaputulako imisambo yonse iyishitwala fitwalo. Elyo umusambo onse uuletwala ifitwalo, alautungwila bwino bwino pakuti uletwalisha.

Ifunde lyandi nili, muletemwana ngefi ine namutemwa.

Ni mukutwala ifitwalo ifingi, emo Tata acindikilwa, pantu na imwe mwaba abasambi bandi.

“Ine nine mwangashi wine wine, elyo Tata wena e mulimi.

Uyo onse uwafilwa ukwikalilila muli ine, aba nge misambo iyo baposa no kuma yauma. Iyo misambo balailonganya baiposa na mu mulilo, emo yalapya.

“Kanshi namweba ifi pakuti na imwe mube ne nsansa shandi. Elyo ne nsansa shenu shibe ishapwililika.

Nga mwalasunga amafunde yandi, ninshi mwakulaikala mu citemwiko candi, nga ifi ine njikalilila mu citemwiko cakwa Tata ico nsunga amafunde yakwe.

Ico ndemukonkomesha cakuti, ‘Muletemwana.’

Amuba nga bantu ba pano calo, lyena nga bantu ba pano calo kuti bamutemwa, pantu muli ifyo baba. Lelo nalimusala ukufuma mu bantu ba pano calo, kanshi eco abantu ba pano calo bamupatila, pantu nomba tamuli ngefyo baba.