Popular Bible Verses from Yoani 14

Share

“Umutende namushila, mutende wa mu mutima wandi eo namupeela. Nshilemupeela mutende uo abantu ba pano calo bapeela. Mwilaenda abasakamana kabili mwilaba na mwenso.

Yesu amwasuka ati, “Nine nshila, nine cishinka, nine mweo. Teti kube nangu umo uwingesa kuli Tata, kano apita kuli ine.

“Mwilaenda ne mitima iyasakamana. Muletetekela muli Lesa, elyo muletetekela na muli ine.

Nomba Kafwa, Mupashi Wamushilo, uo Tata akamutumina ico muli basambi bandi, akesa mufunda fyonse. Kabili akamwafwa na mukwibukisha fyonse ifyo namweba.

“Uyo onse uupokelela amafunde yandi no kulayasunga, uyo ewantemwa. Uyo uwantemwa, Tata nao akamutemwa. Na ine nkamutemwa, kabili eo nkaisokololako.”

Ine nkalomba Tata, nao akamupeele kafwa umbi, uo mukalaba nankwe lyonse pe. Ni Mupashi wacishinka. Abantu ba pano calo balifilwa ukumupokelela, pantu tabamumona nelyo ukumwishiba. Nomba imwe mwalimwishiba, ico mwaba nankwe kabili akaba muli imwe.

Kabili conse ico mwalomba ico muli basambi bandi, akalamupeela, epakuti ubucindami bwakwa Tata bumonekele muli Mwane. Kanshi conse ico mwingalomba ico muli basambi bandi, nkalamupeela.

“Nga mwalintemwa, mulesunga amafunde yandi.

Mu ŋanda mwa Tata mwaba ififulo fyakwikalamo ifingi. Amukaanaba, nga nalimweba. Kanshi ndeya kukumupekanishisha icifulo.

Kanshi nga naya mupekanishisha incende, nkabwela nkese musenda. Epakuti uko ndi, eko na imwe bene mukabe.

Toma amwasuka ati, “We Mfumu, tatwishibe uko uleya. Nga kanshi kuti twaishiba shani inshila ya uko uleya?”