Popular Bible Verses from LOS HECHOS 2

Share

To bairo na ca-ĩiro: —Caroorije mʉja cá-átaje jʉtiritiri Jesucristore apiʉjaya mʉja nipetirã. Cʉ̃ apiʉjari, “Jesucristo, caroorije yʉ cá-átajere yʉ majirioya,” cʉ̃ ĩiña. To bairo cʉ̃ ĩri bautisa rotiya. To bairo mʉja cá-áto Espíritu Santore mʉja joogʉmi Dio, na ca-ĩiñupʉ Pedro.

To bairo apiʉja, Jesú cʉ̃ buerã ca-ãnana apóstol maja na ca-ĩirã na mena ca-neñaponucuñuparã. Na mena neñaponucuri, na ca-buiorijere caroaro api, na mena caroaro jʉgo ʉga, wadapeni, Diore jeni nʉcʉbʉgo, cá-átinucuñuparã.

To bairona ca-bairi paʉ Dio Espíritu Santo na nipetirãpʉre ca-ejayupʉ, na mena ani ejaʉ. Na mena cʉ̃ ca-ejarona ca-wada jʉgoyuparã aperã ye mena. Ca-jʉgoyepʉ ca-majiquetana anibana quena Espíritu Santo na cʉ̃ ca-wada majioro apero macana yere capee wadariquere ca-wadayuparã. Jicãʉ ape oca ca-wadayupʉ. Apeĩ ricati wadarique ca-wadayupʉ, to canacãʉna ricati jeto Espíritu Santo na cʉ̃ ca-wada majioro yua.

Na ca-neñapori paʉ majiña mano seeto ca-bʉjʉyupe ʉmʉrecóopʉre cá-atíe. Ti wiipʉ na ca-neñapo ruiri wiipʉ wino seeto ca-papurije to cá-ató ca-bʉjʉrijere bairo seeto ca-bʉjʉyupe. To bairo ca-bairi paʉna na tʉpʉ ca-rupeayupe ca-ʉ̃ʉ bujurijere bairo ca-baurije. Na ca-ano canacãʉpʉrena ca-ʉ̃ʉ buju tʉjʉnucuñupe na rʉpoari buiacã. To bairona ca-bairi paʉ Dio Espíritu Santo na nipetirãpʉre ca-ejayupʉ, na mena ani ejaʉ. Na mena cʉ̃ ca-ejarona ca-wada jʉgoyuparã aperã ye mena. Ca-jʉgoyepʉ ca-majiquetana anibana quena Espíritu Santo na cʉ̃ ca-wada majioro apero macana yere capee wadariquere ca-wadayuparã. Jicãʉ ape oca ca-wadayupʉ. Apeĩ ricati wadarique ca-wadayupʉ, to canacãʉna ricati jeto Espíritu Santo na cʉ̃ ca-wada majioro yua.

To canacã rʉmʉ Dio wiipʉ ca-neñaponucuñuparã. Na ya wiiripʉ quena ame tʉjʉri caroaro wariñuurique mena ca-ame jʉgo ʉganucuñuparã. To bairo átiri, “Caroaro majuu mani áami Dio,” ca-ĩinucuñuparã. To bairo caroaro na ca-ame áto tʉjʉrã aperã nipetirã, “Ca-ñuurã jeto ãma Jesucristore ca-apiʉjarã,” ca-ĩi tʉgooñañuparã. To bairi to canacã rʉmʉ aperã Jesucristo ye quetire ca-apiʉjarã ca-aninemoñuparã. To bairo na ca-apiʉjaro Dio cʉ̃ yarã ca-aniparãre na ca-cũuñupʉ nare cʉ̃ ca-popiyeyeboriquere na netoori yua.

Ati yepapʉ ca-ani tʉjari rʉmʉri ca-anopʉ yʉ Espíriture seeto tutuarique mena cʉ̃ yʉ joogʉ camaja nipetirãre, mʉja ĩmi Dio. Na yʉ ca-jooro mʉja punaa yʉ ye quetire buiogarãma. Mʉja mena macana caʉmʉa cawamarã, cabʉcʉrã quena quẽgueriquere bairo tʉjʉgarãma na yʉ ca-iñoogarijere.

To bairi Jesucristo ye quetire ca-apiʉjarã nipetirã caroaro ca-ame bapa cʉjuparã. Caroaro ame bapacʉti, na ca-cʉgorije mena ca-ame átinemonucuñuparã. Pairo ca-cʉgorã na yere nuni wapa jeeri ca-cʉgoquẽnare na ca-ricawonucuñuparã. To bairi na nipetirã jicãrore bairo ca-cʉgoyuparã.

To bairo ca-bairi paʉ to canacãʉrena mani Ʉpaʉ Jeováre, “Dio, pairo caroorije yʉ átinucu, caroorije yʉ cá-átiere majirioya,” yʉ na ca-ĩiro na yʉ netoogʉ. To bairo ca-ĩirã jetore na yʉ ca-popiyeyebopere na yʉ netoobojagʉ, mʉja ĩmi Dio, ca-ĩi ucayupi Joe.

Muipu ca-ajii naitĩacoagʉmi. Ñami macacʉ maca riíre bairo jũagʉmi. To bairona baigaro Dio caroorãre na cʉ̃ ca-popiyeyeparo jʉgoyeacã. Ca-ani majuuri rʉmʉ, ca-uwio bʉgari rʉmʉ anigaro mani Ʉpaʉ Dio to bairo cʉ̃ cá-áto.