Popular Bible Verses from Filipai 3

Share

Kāinga, ‘oku ‘ikai te u pehē kuó u ‘osi ma’u ia. Ka ‘oku ou fakangalonagalo‘i e ngaahi me‘a kuo mahili atú, mo kakapa atu ki he ngaahi me‘a kuo tuku mai mei mu‘á. ‘Oku ou tutui atu ki he tepí, ka u ma‘u e palé. Ko e pale ko iá, ko e ui mai ia ke te hū ā ki Hēvani. Pea ‘oku foaki ‘e he ‘Otuá ‘a e pale ko iá koe‘uhí ko e me‘a kuo fai ‘e Kalaisi Sīsuú.

Ko e me‘a pē ‘oku ou fie ma‘ú, ke u a‘usia ‘a Kalaisi pea mo e ivi na‘e fokotu‘u ai ia mei he maté ‘o ne mo‘uí. Ko hoku lotó, ke u a‘usia ‘a e ngaahi fa‘ahinga faingata‘a na‘á ne faingata‘a‘ia aí, pea mo e mate‘anga na‘á ne mate aí, hei‘ilo te u toe tu‘u mo au mei he maté ‘o mo‘ui.

‘Oku ‘ikai pē ha me‘a ia ‘e kākākunga ki he‘eku a‘usia ‘a Kalaisi Sīsū ko hoku ‘Eikí. Kuó u to‘o ‘eku falalá mei he me‘a kehe kotoa pē, ‘o lau ia ko e veve. Ko e me‘a ‘oku ou fie ma‘u ‘e aú, ke u a‘usia ‘a Kalaisi

Ka ko e ngaahi me‘a kotoa na‘á ku mahu‘inga‘ia aí, kuó u lau kinautolu ko e fakamasiva ki he‘eku mo‘uí, koe‘uhí ko Kalaisi.