Popular Bible Verses from Filipai 1

Share

Ko e toko taha na‘á ne kamata ‘a e ngāue lelei ko iá ‘iate kimoutolú, ‘oku ou tui pau te ne fai ai pē kae‘oua kuó ne fakakakató ‘i he ‘aho ‘e liuaki mai ai ‘a Kalaisi Sīsuú.

‘Oku ou hūfia ma‘u pē kimoutolu ke tupu fakautuutu ho‘omou ‘ofá, mo ho‘omou ‘iló, mo ho‘omou fakapotopotó. He ‘e toki tonu ai ho‘omou fonongá, pea haohaoa mo ta‘e mele ho‘omou mo‘uí ‘i he ‘aho ‘e liuaki mai ai ‘a Kalaisí.

He ka u ka mo‘ui atu, te u mo‘ui ai pē ma‘a Kalaisi. Pea ka u ka mate, ko e toe lahi ange ai pē ia hoku fakakoloá.

Ko ‘eku manatu ma‘u pē kiate kimoutolú, peá u fakafeta‘i ai ki hoku ‘Otuá.

Ka ko e me‘a tēpuú, ke hoa ho‘omou mo‘uí mo e ongoongo lelei ‘o kau kia Kalaisí. Pea ‘e tatau ai pē pe te u toe ‘a‘ahi atu pe ‘ikai, ‘e kei ongoongo mai ai pē ho‘omou kei fetohotohoi mo kaungāngāue fakataha, mo kaungā fakakukafi ke tui mai ha ni‘ihi ki he ongoongo leleí.

Ko ‘eku faka‘amú, mo ‘eku ‘amanakí, ke ‘oua pē te u lī‘aki hoku fatongia ‘oku faí. ‘Oku ou loto ke fakalāngilangi‘i loto-to‘a ‘a Kalaisi, ‘o tatau ai pē pe te u mate pe mo‘ui ai.

He na‘e ‘ikai ngata pē i hono fakakoloa‘aki kimoutolu ‘e he ‘Otuá ‘a e faingamālie ke mou tui kia Kalaisí, ka na‘á ne toe ‘oatu mo homou faingamālie ke kātaki‘i ha ngaahi mamahi ma‘ána.